maharashtravadinews

 *ज्युनियर महिला राष्ट्रीय स्पर्धेत महाराष्ट्राच्या १८ सदस्यीय संघाचे नेतृत्व तनिषाकडे*   *पुणे, १० ऑगस्ट:* नेहरूनगर-पिंपरी येथील मेजर ध्यानचंद हॉकी स्टेडियमवर १२ ते २३ ऑगस्ट दरम्यान होणाऱ्या १६ व्या हॉकी इंडिया ज्युनियर महिला राष्ट्रीय हॉकी स्पर्धेमध्ये कोल्हापूरची फॉरवर्ड खेळाडू तनिषा शिंदे ही १८ सदस्यीय हॉकी महाराष्ट्र संघाचे नेतृत्व करणार आहे.  हॉकी इंडियाचे असोसिएट उपाध्यक्ष आणि हॉकी महाराष्ट्रचे वरिष्ठ उपाध्यक्ष मनोज भोरे यांनी या संघाची घोषणा केली. मुंबई 'साई' केंद्राची डिफेंडर आकांक्षा पाल हिची उपकर्णधार म्हणून निवड करण्यात आली आहे.  राष्ट्रीय स्पर्धेसाठी देशातील आघाडीचे ज्युनियर महिला संघ १२ दिवसीय स्पर्धेसाठी पिंपरी येथे एकत्र येत असताना महाराष्ट्र संघ आपल्या घरच्या मैदानावर खेळण्याचा फायदा उठवण्याचा प्रयत्न करेल.  या राज्य संघात पुणे, मुंबई, कोल्हापूर, सातारा, नाशिक, यवतमाळ आणि सांगली जिल्ह्यातील तसेच 'साई' केंद्रांमधील खेळाडूंचा समावेश आहे.  हॉकी महाराष्ट्र १८ सदस्यीय संघात दोन गोलकीपर, पाच डिफेंडर, सहा मिडफिल्डर आणि पाच फॉरवर्ड खेळाडूंचा स...

"अखिल भारतीय ब्राह्मण महासंघ औध-बालेवाडी-बाणेर शाखा तर्फे चतुश्रृंगी टेकडीवर वृक्षारोपण "  *औंध-बाणेर-बालेवाडी शाखेतर्फे चतुर्श्रुंगीच्या टेकडीवर पर्यावरणपूरक वृक्षारोपणाचा कार्यक्रम आयोजित केला होता.*, महासंघाचे वृक्षारोपण कार्यक्रमाचे हे सहावे वर्ष आहे. या कार्यक्रमाला भरघोस प्रतिसाद मिळाला.  महाविद्यालयीन युवकांपासून ते ७५+ वर्षीय महिला - पुरुषांनी या कार्यक्रमात सहभाग घेतला. यावेळी पिंपळ , वड, आंबा व अंजीर ही झाडे लावण्यात आली. औंध बाणेर बालेवाडी शाखा तसेच वारजे शाखा आणि हडपसर शाखा येथून ४५ हुन अधिक जणांनी या वृक्षारोपणाला उपस्थिती लावली. या कार्यक्रमासाठी पुणे जिल्हा अध्यक्ष श्री मंदार रेडे आवर्जून उपस्थित होते व वृक्षारोपण कार्यात सहभाग घेतला. ग्रीन हिल्स तर्फे संजय सूर्यवंशी व मनीष देशपांडे यांनी मार्गदर्शन केले. वारजे शाखेचे श्री हेमंत कासखेडीकर, शैलाताई सोमण तसेच हडपसर शाखेचे पदाधिकारी राजेंद्र कुलकर्णी व औंध शाखेचे अनेक पदाधिकारी यांनी उपस्थिती दर्शवली व वृक्षारोपण कार्यात सहभाग घेतला.

१३ व्या राष्ट्रीय सीएसआर व ईएसजी परिषदेत 'फ्यूल' संस्था 'सीएसआर टाईम्स २०२६' अवॉर्डने सन्मानित  पुणे, दि. १०:शिक्षणातील अभिनव प्रयोग आणि कॉर्पोरेट सामाजिक जबाबदारी (सीएसआर) निधीचा परिणामकारक वापर करून संस्थात्मक उभारणी करणाऱ्या पुणे स्थित 'फ्रेंड्स युनियन फॉर एनर्जायझिंग लाइव्ह्ज' (फ्यूल) संस्थेला १३ व्या राष्ट्रीय सीएसआर व ईएसजी परिषदेत प्रतिष्ठित 'सीएसआर टाईम्स २०२६' अवॉर्डने गौरविण्यात आले. हा पुरस्कार केंद्रीय संस्कृती व पर्यटन मंत्री श्री गजेंद्रसिंह शेखावत यांच्या हस्ते प्रदान करण्यात आला.   समावेशक भारतासाठी जबाबदार उद्योगांची भूमिका" या मध्यवर्ती संकल्पनेवर आधारित या परिषदेला देशभरातून ५०० हून अधिक प्रतिनिधी प्रत्यक्ष तर २५०० हून अधिक नागरिक ऑनलाईन उपस्थित होते. नवी दिल्लीतील ले मेरिडियन हॉटेलमध्ये पार पडलेल्या या भव्य सोहळ्यात फ्यूलच्या 'कॉर्पोरेट देणगी आणि नामांकित शाळा' या अनोख्या शैक्षणिक प्रारूपाला राष्ट्रीय स्तरावर मान्यता मिळाली. फ्यूलच्या वतीने डॉ. प्राची अहिराव (विभागप्रमुख व व्यवस्थापन विद्याशाखा) आणि श्रीमती सोनाली घोंगडे ...

*प्रज्ञेतून मीपणा गळून पडतो, त्यावेळी स्थितप्रज्ञता निर्माण होते* जगद्गुरु कृपांकित डॉ. पंकज उर्फ चेतनानंद महाराज पुणेकर यांचे काल्याचे कीर्तन ; श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळातर्फे चातुर्मास कीर्तन महोत्सव पुणे : जीवन हे सत्य संशोधन आहे. सत्य संशोधनासाठी स्थितप्रज्ञतेची गरज असते. विकाररहित शुद्ध बुद्धी म्हणजे प्रज्ञा. प्रज्ञेतून मीपणा गळून पडतो, त्यावेळी स्थितप्रज्ञता निर्माण होते. ती स्थितप्रज्ञता तुमच्यात आली की पांडुरंग दर्शन देतो, असे प्रतिपादन जगद्गुरुकृपांकित डॉ. पंकज उर्फ चेतनानंद महाराज पुणेकर यांनी केले. श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे जंगली महाराज रस्त्यावरील हॉटेल सेंट्रल पार्क येथे चातुर्मासानिमित्त कीर्तन महोत्सवाचे आयोजन करण्यात आले आहे. या महोत्सवात त्यांचे काल्याचे कीर्तन झाले. यावेळी ट्रस्टचे विश्वस्त, मंडळाचे पदाधिकारी उपस्थित होते. जगद्गुरु कृपांकित डॉ. पंकज उर्फ चेतनानंद महाराज पुणेकर म्हणाले, ‘चला वळूं गाई । बैसों जेऊं एके ठायीं’ या अभंगाचा दाखला देत इंद्रियांना आजच नियंत्रणात ठेवा. नाहीतर...

*मंडई म्हसोबा उत्सवात तुळजाभवानी माता मूर्तीची भव्य पुष्पआरास* अखिल म्हसोबा उत्सव मंडई ट्रस्टचा म्हसोबा उत्सव ; धार्मिक कार्यक्रमांनी प्रारंभ पुणे : श्री तुळजाभवानी माता मूर्तीच्या विविधरंगी फुलांनी साकारलेल्या २५ फूट उंचीच्या भव्य पुष्पसजावटीमध्ये म्हसोबाराया विराजमान झाले. शुक्रवार पेठेतील अखिल म्हसोबा उत्सव मंडई ट्रस्टचा म्हसोबा उत्सव महात्मा फुले मंडई, बुरुड आळी येथे आयोजित करण्यात आला आहे. उत्सवाच्या निमित्ताने ही आरास करण्यात आली आहे. प्रारंभी श्रीं चा रुद्राभिषेक व रुद्रयाग, महाआरती आदी धार्मिक कार्यक्रमांनी उत्सवाला थाटात प्रारंभ झाला.   उत्सवाच्या पहिल्या दिवशी सकाळी नगरसेविका स्वप्नाली नितीन पंडित, वीणा गणेश घोष यांच्या हस्ते श्रीं चा रुद्राभिषेक व रुद्रयाग पार पडले. तर, दुपारी भिंताडे उद्योग समूहाच्या शालन भिंताडे, पृथ्वी भिंताडे यांच्या हस्ते श्रीं ची महाआरती झाली. यावेळी ट्रस्टचे विश्वस्त अध्यक्ष राहुल सूर्यवंशी, विश्वस्त उपाध्यक्ष निवृत्ती जाधव यांसह विविध क्षेत्रातील मान्यवर उपस्थित होते.   मंडई म्हसोबा मंदिराच्या परिसरात पुष्पसजावटीसोबतच विविधरंगी विद्युतरोषणाई...

दिग्दर्शक म्हणून गश्मीर महाजनीची दमदार सुरुवात! अभिनेता गश्मीर महाजनी आता दिग्दर्शक म्हणून नवी इनिंग सुरू करत आहे. त्याच्या दिग्दर्शनातील पहिला चित्रपट ‘राखणदार’ २०२७ मध्ये प्रेक्षकांच्या भेटीला येणार असून, घोषणेसोबतच चित्रपटाचे पहिले पोस्टर सोशल मीडियावर चर्चेचा विषय ठरले आहे. पोस्टरमधील रहस्यमय मांडणी, रक्तरंजित वातावरण आणि गूढ कॅप्शनमुळे चित्रपटाबद्दल प्रेक्षकांची उत्सुकता शिगेला पोहोचली आहे. या चित्रपटात सई ताम्हणकर, गश्मीर महाजनी आणि मकरंद अनासपुरे ही दमदार स्टारकास्ट प्रमुख भूमिकांमध्ये झळकणार आहे. चित्रपटाची घोषणा होताच सोशल मीडियावर त्याबद्दल उत्सुकता निर्माण झाली आहे. चित्रपटाचे पहिले पोस्टरही तितकेच लक्षवेधी आहे. लालभडक पार्श्वभूमीवर रक्ताचे उडालेले शिंतोडे, मध्यभागी सिंहाच्या उग्र आणि डरकाळी फोडणाऱ्या चेहऱ्याची प्रतिमा, तर त्याखाली मजबूत देहयष्टी असलेली व्यक्तिरेखा दिसते. पोस्टरमधील सिंहाची प्रतिमा सामर्थ्य, धैर्य आणि रक्षणाची भावना अधोरेखित करते. ठळक अक्षरांमध्ये साकारलेले ‘राखणदार’ हे शीर्षक चित्रपटाच्या भव्यतेची आणि दमदार आशयाची स्पष्ट झलक देते. याच पोस्टरवर लहान मुलाच्या...

दीप्ती चंद्रचूड लिखित ‘गोष्ट आहे पृथ्वीमोलाची’ पुस्तकाचे प्रकाशन दीप्ती चंद्रचूड माणूसपणाची समृद्धी जाणणारी नवी लेखिका : अरुणा ढेरे अनुभवाचा जीव सर्जनशील, चैतन्यमय होण्यासाठी लेखनातील सातत्य आवश्यक : अरुणा ढेरे   पुणे : जेन झी आणि मध्यमवयीन पालक, यांच्यामधल्या संवादाची उणीव भरून काढणे, वर्तमानकाळात अगत्याचे आहे. त्यासाठी विचारी, विवेकी समजुतीने समाजजीवन न्याहाळणारा, जेन झी समजून घेणारा शब्द आणि संवाद हवा आहे. असे संवादी शब्द अनुभवाचा जीव सर्जनशील व चैतन्यमय करतात, मात्र त्यासाठी लेखनात सातत्य हवे, असे प्रतिपादन ज्येष्ठ कवयित्री, अखिल भारतीय मराठी साहित्य संमेलनाच्या माजी अध्यक्ष डॉ. अरुणा ढेरे यांनी रविवारी येथे केले. लेखिका दीप्ती चंद्रचूड लिखित ‘गोष्ट आहे पृथ्वीमोलाची’ या पुस्तकाच्या प्रकाशन समारंभात त्या बोलत होत्या. प्रसिद्ध संगणकतज्ज्ञ व लेखक डॉ. दीपक शिकारपूर, उत्कर्ष प्रकाशनाचे सुधाकर जोशी, प्रदीप चंद्रचूड, शोभा चंद्रचूड आदी व्यासपीठावर होते. सेनापती बापट रस्त्यावरील सुमंत मुळगावकर सभागृहात हा कार्यक्रम झाला. डॉ. ढेरे म्हणाल्या, आपल्या समाजजीवनात आजही एकाचवेळी स्त्रिया मध्यय...

Bookings open for the new BMW X1 Long Wheelbase.   India’s highest selling luxury SUV gets bolder and bigger.   Available for booking across authorized BMW India dealership network. Customers can also register their interest on BMW India website.     Gurugram. BMW India will open pre-launch bookings for the new BMW X1 Long Wheelbase (LWB) at 1500 Hrs today, 10 August 2026.   The car will be locally produced at BMW Group Plant Chennai and can be booked across authorized BMW dealer network. Customers can also register their interest on BMW India website.   The new BMW X1 LWB will be launched in India on 21 August 2026.   The new BMW X1 LWB redefines the luxury compact SUV segment by delivering unmatched space, comfort, and technology without compromising BMW’s signature driving dynamics. As the longest and most spacious car in its segment, it sets a new benchmark for rear-seat roominess and premium presence. This bold evolution ensures that every journey...

बार्टी अधिछात्रवृत्ती प्रश्न: 'आंबेडकराईट स्टुडंट असोसिएशन'ची समाजकल्याण आयुक्तांसोबत सविस्तर चर्चा; मागण्या मान्य न झाल्यास १९ ऑगस्टपासून बेमुदत धरणे आंदोलन पुणे: डॉ. बाबासाहेब आंबेडकर संशोधन व प्रशिक्षण संस्था (बार्टी) अंतर्गत पीएच.डी. संशोधक विद्यार्थ्यांच्या प्रलंबित मागण्यांसंदर्भात नव्याने स्थापन झालेल्या 'आंबेडकराईट स्टुडंट असोसिएशन' च्या शिष्टमंडळाने आज समाजकल्याण आयुक्त दीपा मुधोळ-मुंडे यांची भेट घेऊन त्यांच्याशी सविस्तर चर्चा केली. या बैठकीत शिष्टमंडळाने बार्टी अधिछात्रवृत्तीच्या (BANRF) जागांची संख्या केवळ १०० न ठेवता ती किमान ६०० करावी आणि ३५ वर्षांची जाचक वयोमर्यादेची अट पूर्णपणे रद्द करावी, या प्रमुख मागण्यांवर प्रशासनाचे लक्ष वेधले. विद्यार्थ्यांच्या भावना आणि मागण्यांची गांभीर्यपूर्वक दखल घेत आयुक्त दीपा मुधोळ मॅडम यांनी या विषयावर सविस्तर चर्चा करून पुढील निर्णय घेण्यासाठी बुधवार, दिनांक १२ ऑगस्ट २०२६ रोजी निबंधक (बार्टी) यांच्या समवेत एका विशेष बैठकीचे आयोजन केले आहे. शिष्टमंडळात प्रमुख नेत्यांचा समावेश समाजकल्याण आयुक्त दीपा मुधोळ मॅडम यांच्यासोबत झाल...

विनायकी क्रीडा महोत्सवानिमित्त राज्य मानांकन कॅरम स्पर्धेत प्राजक्ता नारायणकर, झाईद फारूखी यांना विजेतेपद  पुणे, 10 ऑगस्ट 2026 : सोमेश्वर फाउंडेशन यांच्या वतीने व माजी आमदार कै. विनायक निम्हण यांच्या जयंतीनिमित्त आयोजित करण्यात आलेल्या विनायकी क्रीडा महोत्सवाअंतर्गत राज्य मानांकन कॅरम स्पर्धेत महिला गटात मुंबईच्या प्राजक्ता नारायणकर हिने तर, पुरुष गटात ठाण्याच्या झाईद फारूखी यांनी आपापल्या प्रतिस्पर्धी खेळाडूंचा पराभव करून विजेतेपद संपादन केले. महाराष्ट्र कॅरम असोसिएशन व कॅरम असोसिएशन ऑफ पुणे यांच्या मान्यतेनेअंबर हॉल, सनीज वर्ल्ड, पाषाण सुस रोड, पुणे येथे पार पडलेल्या या स्पर्धेत अंतिम फेरीत पुरुष गटात ठाण्याच्या झाईद फारूखी याने पुण्याच्या सागर वाघमारेचा 17-12, 16-12 असा पराभव करून विजेतेपदाचा मान पटकावला. याआधी तिसऱ्या व चौथ्या क्रमांकासाठी झालेल्या लढतीत मुंबईच्या प्रशांत मोरे याने पुण्याच्या अभिजीत त्रिपणकरचा 25-10, 25-11 असा पराभव करून तिसरे स्थान मिळवले.  महिला गटात अंतिम लढतीत मुंबईच्या प्राजक्ता नारायणकर हिने ठाण्याच्या मधुरा देवळेचा 23-19, 17-14 असा पराभव करून विजेत...

  कॅन्सरशी लढा, आर्थिक अडचणींशी नाही: जाणून घ्या कसे सुरक्षित ठेवायचे स्वतःचे उत्पन्न   मुंबई, ८ ऑगस्ट, २०२६: कॅन्सरचा परिणाम केवळ माणसाच्या आरोग्यावरच होत नाही, तर त्यामुळे त्याचा नोकरी-व्यवसाय थांबू शकतो, घरचे उत्पन्न कमी होऊ शकते आणि संपूर्ण कुटुंबावरचा आर्थिक ताण वाढू शकतो. सामान्य आरोग्य विमा योजना फक्त हॉस्पिटलची बिले कव्हर करतात. परंतु उपचारादरम्यान कुटुंबांना होम लोनचे हप्ते, घराचे भाडे, मुलांची शाळा-कॉलेजची फी आणि वीज-पाण्यासारखे रोजचे अनेक खर्च सांभाळावे लागतात. आजवरच्या कॅन्सर विमा योजनांमध्ये सहसा एकाच वेळी एकरकमी रक्कम मिळते, जी या सततच्या खर्चांना पूर्णपणे तोंड देऊ शकत नाही. 'टाटा एआयए लाईफ इन्शुरन्स'चा नवीन 'संपूर्ण केअर - कॅन्सर' प्लॅन हीच कमतरता दूर करतो. हा प्लॅन कॅन्सरच्या उपचारांचा खर्च उचलण्यासोबतच कुटुंबाला नियमित उत्पन्नाचा आधारही देतो.   नियमित उत्पन्न का आवश्यक आहे? कॅन्सरचे उपचार एकदाच घेऊन संपत नाहीत. यामध्ये प्रदीर्घ काळ औषधोपचार चालतात, वारंवार हॉस्पिटलला जावे लागते आणि रुग्णाला महिनोनमहिने कामापासून दूर राहावे लागू शकते. संशोधन...

रेडमी नोट १७ ची एन्ट्री: REDMI ची आतापर्यंतची सर्वात मोठी 8000mAh बॅटरी आणि प्रीमियम ट्रूकलर अमोलेड डिस्प्लेसह सादर. स्नॅपड्रॅगन 4 Gen 4 प्रोसेसरवर चालणारा रेडमी नोट १७, ८.४ मिमीच्या स्लिम डिझाइनमध्ये ३ दिवसांपर्यंतची बॅटरी लाईफ, १२०Hz ट्रूकलर अमोलेड डिस्प्ले, दीर्घकालीन सॉफ्टवेअर सपोर्ट आणि दैनंदिन वापरासाठी आवश्यक असलेली टिकाऊपणा प्रदान करतो. Pune, August 10th 2026: शाओमी इंडियाने आज 'रेडमी नोट १७ 5G' च्या लाँचची घोषणा केली; ही भारतातील सर्वात विश्वासार्ह स्मार्टफोन मालिकेतील सर्वात नवीन आवृत्ती आहे. बॅटरी संपण्याची चिंता दूर करण्यासाठी तयार करण्यात आलेल्या या स्मार्टफोनमध्ये REDMI ची आतापर्यंतची सर्वात मोठी ८००० mAh सिलिकॉन-कार्बन बॅटरी, प्रीमियम 'ट्रूकलर अमोलेड' डिस्प्ले, विश्वासार्ह 'स्नॅपड्रॅगन' परफॉर्मन्स आणि दीर्घकालीन सॉफ्टवेअर सपोर्ट यांचा समावेश आहे, ज्यामुळे एक परिपूर्ण स्मार्टफोन अनुभव मिळतो. रेडमी नोट १७ मध्ये REDMI ची आतापर्यंतची सर्वात मोठी ८००० mAh सिलिकॉन-कार्बन बॅटरी देण्यात आली आहे, जी केवळ ८.४ मिमी इतकी स्लिम रचना (प्रोफाईल) असूनही सामान्य ...

गोदरेज इंडस्ट्रीज समूहाची नवीन ब्रँड फिल्म : ‘ॲट गोदरेज इंडस्ट्रीज, वी क्राफ्ट’ समूहाच्या विविध व्यवसायांना जोडणारे सामाईक उद्दिष्ट, लोक आणि महत्त्वाकांक्षा यांचे चित्रण या जाहिरातीत दिसते. मुंबई, ऑगस्ट 6, 2026: गोदरेज इंडस्ट्रीज ग्रुपने आज आपली नवीन कॉर्पोरेट ब्रँड जाहिरात प्रदर्शित केली. या वर्षाच्या सुरुवातीला सादर करण्यात आलेल्या त्यांच्या उदात्त हेतूची आणि ब्रँड ओळखीची ही पहिली मोठी अभिव्यक्ती आहे. ‘ॲट गोदरेज इंडस्ट्रीज, वी क्राफ्ट’ असे शीर्षक असलेल्या या चित्रपटाची निर्मिती टायगर टेलीच्या झोया अख्तर यांनी केली असून, लाऊडमाऊथ फिल्मचे आकाश भाटिया यांनी त्याचे दिग्दर्शन केले आहे. ग्रुपला घडवणाऱ्या व्यक्ती, व्यवसाय आणि कल्पनांच्या माध्यमातून, ‘1897 पासून भविष्याची निर्मिती’ हा ग्रुपचा उद्देश ही जाहिरात जिवंत करते. समूहाची कार्यालये, शेती, कारखाने आणि बांधकामाची ठिकाणे, अशा विविध ठिकाणी ही जाहिरात चित्रित करण्यात आली आहे. समूहाच्या विविध व्यवसायांमागील लोक, कार्यपद्धती आणि संकल्पनांवर प्रकाश टाकतो; तसेच, उद्देश आणि महत्त्वाकांक्षा सारखीच असली तरी गोदरेज इंडस्ट्रीज ग्रुपमध्ये निर्मितीच...

    अ‍ॅक्सिस म्युच्युअल फंडाकडून अ‍ॅक्सिस निफ्टी एनर्जी इंडेक्स फंड आणि अ‍ॅक्सिस निफ्टी एनर्जी ईटीएफ एनएफओचे लाँच; भारतातील विकसित होणाऱ्या भांडवली ऊर्जा परिसंस्थेत गुंतवणूकीची संधी   अ‍ॅक्सिस निफ्टी इंडेक्स फंडाची प्रमुख वैशिष्ट्ये: प्रकार: निफ्टी एनर्जी टीआरआयचे अनुकरण/ट्रॅकिंग करणारी ओपन-एंडेड योजना बेंचमार्क: निफ्टी एनर्जी टीआरआय न्यू फंड ऑफर (एनएफओ) कालावधी: ७ ऑगस्ट २०२६ ते २१ ऑगस्ट २०२६ फंड मॅनेजर्स: नंदीक मल्लिका, रोहित गौतम किमान अर्ज रक्कम: १०० रूपये आणि त्यानंतर १ रूपयाच्या पटीत एक्झिट लोड: वाटपाच्या तारखेपासून १५ दिवसांच्या आत रिडीम/स्विच आउट केल्यास ०.२५ टक्‍के; त्यानंतर शून्य अ‍ॅक्सिस निफ्टी एनर्जी ईटीएफची प्रमुख वैशिष्ट्ये: प्रकार: निफ्टी एनर्जी टीआरआयचे अनुकरण/ट्रॅकिंग करणारी ओपन-एंडेड योजना बेंचमार्क: निफ्टी एनर्जी टीआरआय ट्रेडिंग सिम्बॉल: ENERGYAXIS न्यू फंड ऑफर (एनएफओ) कालावधी: १२ ऑगस्ट ते २१ ऑगस्ट २०२६ फंड मॅनेजर्स: नंदीक मल्लिका आणि रोहित गौतम किमान अर्ज रक्कम: ५,००० रूपये आणि त्यानंतर १० रूपयांच्या पटीत एक्झिट लोड: शून्य   मुंबई, १० ऑगस्ट २०२६: अ...

आनंदना - द कोका-कोला इंडिया फाऊंडेशनच्या मैदान साफ उपक्रमांतर्गत पंढरपूर वारी 2026 मध्ये पुनर्वापर केलेल्या प्लास्टिकपासून बनवलेल्या सार्वजनिक सुविधांना सहकार्य पुणे,10 ऑगस्ट 2026 : पंढरपूर आषाढी वारी 2026 मध्ये आनंदना - द कोका-कोला इंडिया फाऊंडेशनने रिसायकल प्लास्टिकपासून बनवलेल्या सार्वजनिक सुविधांना सहकार्य केले. ईकॉन्शियस,ईको डेको - द रिसायकल होम प्रा.लि., लक्ष्य आणि एचसीसीबी यांच्या सहकार्याने राबविण्यात आलेल्या या उपक्रमामुळे वारीदरम्यान कचरा व्यवस्थापन अधिक सक्षम करण्यात आले आणि यामुळे वारकरी,स्वयंसेवक व स्थानिक प्रशासनाला मदत झाली. हा उपक्रम आनंदना - द कोका-कोला इंडिया फाऊंडेशनच्या मैदान साफ या प्रमुख मोहिमेचा एक भाग होता. ही मोहिम भारतभरातील मोठ्या प्रमाणावर गर्दी होणाऱ्या सांस्कृतिक व क्रीडा कार्यक्रमांमध्ये जबाबदारीने व पध्दतशीर संकलन,वर्गीकरण आणि पुनर्वापर करण्यावर लक्ष केंद्रित करते. अनेक दिवस दिंडीच्या माध्यमातून लाखो वारकरी प्रवास करत असताना,या उपक्रमाच्या माध्यमातून या मार्गावर अत्यावश्यक सार्वजनिक सुविधा व कचरा संकलन यंत्र  एचसीसीबीचे चीफ पब्लिक अफेअर्स अँड सस्टेने...

*तंत्रज्ञानाच्या माध्यमातून २४x७ जनतेशी जोडले जाणे ही काळाची गरज – मुरलीधर मोहोळ* *बोपोडीत सनी निम्हण यांच्या नवीन जनसंपर्क कार्यालयाचे उद्घाटन; नागरिकांसाठी अत्याधुनिक ‘व्हॉट्सॲप बॉट’ सेवेचा शुभारंभ* पुणे: बदलत्या काळात लोकप्रतिनिधींनी पारंपरिक जनसंपर्कासोबत आधुनिक तंत्रज्ञानाची जोड देत नागरिकांशी सातत्याने संपर्कात राहणे आवश्यक आहे. जनतेला २४ तास लोकप्रतिनिधींशी जोडणारी व्यवस्था ही काळाची गरज असून, मोबाईलच्या माध्यमातून नागरिकांना थेट तक्रार नोंदविणे, तिच्या निवारणाचा मागोवा घेणे आणि प्रशासनाशी अधिक परिणामकारक संवाद साधणे शक्य करणारी ‘व्हॉट्सॲप बॉट’ ही अभिनव संकल्पना राबविणारे सनी निम्हण हे पुणे शहरातील पहिले लोकप्रतिनिधी ठरले आहेत, असे प्रतिपादन केंद्रीय सहकार व नागरी विमान वाहतूक राज्यमंत्री तथा पुणे लोकसभा मतदारसंघाचे खासदार मा. मुरलीधर (अण्णा) मोहोळ यांनी केले. बोपोडी येथे सनी निम्हण यांच्या नवीन जनसंपर्क कार्यालयाच्या उद्घाटनप्रसंगी ते बोलत होते. यावेळी आमदार सिद्धार्थ शिरोळे, उपमहापौर परशुराम वाडेकर,नगरसेविका सपना छाजेड,आजी-माजी नगरसेवक, विविध संस्थांचे पदाधिकारी, सामाजिक कार्य...

कनिष्ठ महिला राष्ट्रीय अजिंक्यपद स्पर्धा १२ ऑगस्टपासून पुण्यात  - देशभरातील ३० संघ विजेतेपदासाठी भिडणार पुणे, ८ ऑगस्ट: नेहरूनगर-पिंपरी येथील मेजर ध्यानचंद हॉकी स्टेडियमवर १२ ते २३ ऑगस्ट २०२६ या कालावधीत १६व्या हॉकी इंडिया कनिष्ठ महिला राष्ट्रीय अजिंक्यपद स्पर्धेचे आयोजन करण्यात आले आहे. या स्पर्धेद्वारे भारतीय हॉकीमधील आणखी एका महत्त्वपूर्ण पर्वासाठी पुणे सज्ज झाले आहे.  पिंपरी-चिंचवड महानगरपालिकेच्या (पीसीएमसी) सहकार्याने 'हॉकी महाराष्ट्र'द्वारे आयोजित या १२ दिवसांच्या हॉकी स्पर्धेत देशभरातील एकूण ३० संघ सहभागी होणार असून त्यांना तीन विभागांमध्ये (डिव्हिजन) विभागण्यात आले आहे. २३ ऑगस्ट रोजी 'डिव्हिजन ए'च्या अंतिम सामन्याने या स्पर्धेची सांगता होईल. या स्पर्धेत 'प्रमोशन' (वरच्या विभागात बढती) आणि 'रेलिगेशन' (खालच्या विभागात घसरण) या तरतुदींमुळे चुरस अधिक वाढणार आहे. ‘डिव्हिजन ए' ('पूल ए') मध्ये १२ संघांचा समावेश असून त्यांची चार गटांमध्ये (पूल) विभागणी करण्यात आली आहे. 'पूल ए' मध्ये हॉकी झारखंड, हॉकी पंजाब आणि हॉकी चंदीगड...

गायकवाड, शेंडकर यांचा जयमाला शिलेदार गुणगौरव पुरस्काराने सन्मान   पुणे : पद्मश्री जयमालाबाई शिलेदार जन्मशताब्दी सोहळ्यानिमित्त संगीत रंगभूमी नेपथ्य कलाकार संतोष गायकवाड आणि अष्टपैलू कलाकार सयाजी शेंडकर यांचा जयमाला शिलेदार गुणगौरव पुरस्काराने सन्मान करण्यात आला. यशवंतराव चव्हाण नाट्यगृहात कार्यक्रमाचे आयोजन करण्यात आले होते. संगीत रंगभूमीसाठी योगदान देणारे प्रदीप रास्ते व लतिका रास्ते यांचाही या वेळी विशेष सन्मान करण्यात आला. पुरस्कारांचे वितरण गंधर्वभूषण जयराम शिलेदार संगीत नाट्यसेवा ट्रस्टच्या प्रमुख दीप्ती भोगले यांच्या हस्ते करण्यात आले. संस्थेच्या विश्वस्त वर्षा जोगळेकर यांनी जयमालाबाई शिलेदार जन्मशताब्दी वर्षानिमित्त झालेल्या वैशिष्ट्यपूर्ण कार्यक्रमांची माहिती दिली आणि सत्कारार्थींचा परिचय करून दिला.

ब्लिसफुल विंड्स फाऊंडेशनतर्फे पंडित रूपक कुलकर्णी यांचा गुरूपूजन सोहळा साजरा समूह आणि एकल बासरीवादनाचे अर्घ्य अर्पण करणारा कृतज्ञ भाव   पुणे : गुरुंकडून लाभलेल्या कलाज्ञानाची ओंजळ कृतज्ञतेने गुरुचरणी अर्पण करण्याचा भाव मनात ठेवून, समूह आणि एकल बासरीवादनाची अभिव्यक्ती रसिकांनी रविवारी सायंकाळी अनुभवली. ज्येष्ठ बासरीवादक आणि गुरू पंडित रूपक कुलकर्णी यांच्या शिष्यवृंदाने आयोजित केलेल्या गुरूपौर्णिमेच्या सोहळ्यात बासरीवादनासह सरोदवादनाचा आनंदही श्रोत्यांना मिळाला.   ब्लिसफुल विंड्स फाऊंडेशनच्या वतीने पंडित रूपक कुलकर्णी यांच्या शिष्यसमुदायाने गुरूपौर्णिमेनिमित्त गुरूंच्या अभिवादनाचा सोहळा नवी पेठ येथील एस. एम. जोशी सभागृहात रविवारी आयोजित केला होता. ज्येष्ठ शहनाईवादक पंडित शैलेश भागवत यांची विशेष उपस्थिती होती. प्रारंभी ब्लिसफुल विंड्स फाऊंडेशनच्या विद्यार्थ्यांचे समूह बासरीवादन सादर झाले. मोझार्ट या विख्यात विदेशी संगीतकाराची सिंफनी २५ या नावाने गाजलेली टायटन ॲड रचना सुरवातीला पेश झाली. पाठोपाठ शिष्यांनी भूप, यमन, भीमपलास आदी रागांतील आलापी आणि बंदिशींचे सादरीकरण केले. तसेच ‘कानड...

तब्बल तेरा विनोदी व्यक्तिरेखांचे प्रभावी एकल सादरीकरण   रंगला मृदुला मोघे यांच्या ‘एकापेक्षा एक’ बहुरूपी कार्यक्रमास रसिकांची दाद   पुणे : समाजात हरघडी आपल्या आसपास सहज भेटणाऱ्या वेगवेगळ्या स्वभाववैशिष्ट्यांच्या व्यक्तिरेखांची भेट, त्यांच्याशी होत राहणारा संवाद, विनोदाची चुरचुरीत फोडणी आणि लोकप्रिय गीतांची त्याला दिलेली जोड, असा झकास मनोरंजन करणारा मृदुला मोघे यांचा ‘एकापेक्षा एक’ हा विनोदी एकपात्री कार्यक्रम रंगला. एकाच व्यक्तीने केलेले तेरा विनोदी व्यक्तिरेखांचे सादरीकरण, हे या प्रयोगाचे वैशिष्ट्य होते.   एकपात्री कलाकार मृदुला मोघे यांचे प्रभावी सादरीकरण आणि प्रसिद्ध लेखिका विनीता पिंपळखरे यांचे लेखन – दिग्दर्शन, यातून विघ्नहर्ता प्रस्तुत आणि मुकुल निर्मित एकापेक्षा एक हे सादरीकरण निर्माण झाले आहे. महाराष्ट्र साहित्य परिषदेच्या माधवराव पटवर्धन सभागृहात रसिकांच्या हाऊसफुल गर्दीत शनिवारी हा प्रयोग सादर झाला. लेखिका विनीता पिंपळखरे यावेळी उपस्थित होत्या. मृदुला मोघे या उत्तम अभिनेत्री आणि गायिकाही आहेत. त्या संगीत अलंकार असून, डा. प्रभा अत्रे यांच्या शिष्या आहेत. या कार्य...