maharashtravadinews

*दृष्टिहीन व विशेष मुलांच्या स्वावलंबनासाठी एकता मित्र मंडळाचा माणुसकीचा उपक्रम!* *‘एक हात मदतीचा… मदतरूपी खरेदीचा!’ उपक्रमाला नागरिकांचा उत्स्फूर्त प्रतिसाद; दिवाळी साहित्य प्रदर्शन व विक्री यशस्वी!* पुणे, दि. ३ नोव्हेंबर २०२६ : दिवाळीचा आनंद समाजातील प्रत्येक घटकापर्यंत पोहोचावा आणि दृष्टिहीन व विशेष मुलांच्या स्वावलंबनाला प्रोत्साहन मिळावे, या उद्देशाने एकता मित्र मंडळ (ट्रस्ट), अरण्येश्वर आणि लुई ब्राईल अंध मुला-मुलींची संस्था, पुणे यांच्या संयुक्त विद्यमाने ‘एक हात मदतीचा… मदतरूपी खरेदीचा!’ हा सामाजिक उपक्रम उत्साहात संपन्न झाला. मंगळवार, दि. ३ नोव्हेंबर २०२६ रोजी दुपारी ४ ते रात्री ८ या वेळेत एकता मित्र मंडळ सभामंडप, सुरभि मंगल कार्यालयासमोर, तावरे कॉलनी, पर्वती येथे आयोजित विशेष दिवाळी प्रदर्शन व विक्री उपक्रमाला नागरिकांचा उत्स्फूर्त प्रतिसाद लाभला. या प्रदर्शनात दृष्टिहीन व विशेष मुलांनी स्वतःच्या हातांनी तयार केलेल्या पणत्या, आकाशकंदील, उटणे, अगरबत्ती, धूप, कापूर व विविध गृहोपयोगी वस्तू विक्रीसाठी उपलब्ध होत्या. नागरिकांनी आपल्या कुटुंबासह उपस्थित राहून ₹५०, ₹१०० तसेच इच्छेनु...