हॉकी मिझोरामने पूलमधील अव्वल स्थान मजबूत केले; तामिळनाडूची तिसऱ्या स्थानी झेप

हॉकी मिझोरामने पूलमधील अव्वल स्थान मजबूत केले; तामिळनाडूची तिसऱ्या स्थानी झेप

पुणे, १४ ऑगस्ट: हॉकी मिझोरामने आपल्या पूलमधील सलग दुसरा विजय नोंदवत अव्वल स्थानासाठीची दावेदारी मजबूत केली, तर हॉकी युनिट ऑफ तामिळनाडूने पहिला विजय मिळवत तळाच्या स्थानावरून तिसऱ्या स्थानी झेप घेतली. १६व्या हॉकी इंडिया कनिष्ठ महिला राष्ट्रीय अजिंक्यपद स्पर्धा २०२६मध्ये शुक्रवारी मेजर ध्यानचंद हॉकी स्टेडियम, नेहरूनगर-पिंपरी येथे डिव्हिजन ‘बी’चे सामने खेळवण्यात आले.

 

या स्पर्धेचे आयोजन हॉकी महाराष्ट्रतर्फे करण्यात आले असून सामने डिव्हिजन ‘बी’ आणि ‘सी’ अशा दोन विभागांत खेळवले जात आहेत. आज डिव्हिजन ‘सी’मधील संघांसाठी विश्रांतीचा दिवस होता.

 

या अजिंक्यपद स्पर्धेचे आयोजन हॉकी महाराष्ट्रने पिंपरी चिंचवड महानगरपालिकेच्या सहकार्याने केले आहे. भारतीय स्टेट बँक ही प्रेझेंटिंग स्पॉन्सर, तर युनियन बँक ऑफ इंडिया पॉवरिंग पार्टनर आहे. एमक्युअर फार्मास्युटिकल्स ऑफिशियल पार्टनर, बिसलेरी हायड्रेशन पार्टनर, तर असवानी असोसिएट्स आणि सुहाना मसाला हे सपोर्ट पार्टनर्स आहेत.

 

दिवसातील दोन सामन्यांपैकी पूल ‘अ’मध्ये हॉकी मिझोरामने दिल्ली हॉकीचा ३-१ असा पराभव केला. पहिल्या दोन क्वार्टरमध्ये दोन्ही संघांना गोल करण्यात अपयश आले. मात्र, दुसऱ्या हाफमध्ये मिझोरामने आक्रमक खेळ करत तीन गोल नोंदवले.

 

मिझोरामकडून टोपरो रिलेन् (१८वे मिनिट), अल रॉन्गबावल एस्थर (३४वे मिनिट) आणि अंजना एक्स्सा (५१वे मिनिट) यांनी गोल केले. दिल्ली हॉकीकडून दिपिकाने ५८व्या मिनिटाला एकमेव गोल करत पिछाडी कमी केली.

 

या विजयामुळे हॉकी मिझोरामने पूल ‘अ’मध्ये आपले अव्वल स्थान मजबूत केले. हॉकी आंध्र प्रदेशनेही दोन विजयांसह सहा गुण मिळवले असून, दोन्ही संघांच्या खात्यात प्रत्येकी सहा गुण आहेत.

 

दरम्यान, पूल ‘ब’मध्ये हॉकी युनिट ऑफ तामिळनाडूने गोअन्स हॉकीवर ४-० असा दणदणीत विजय मिळवत स्पर्धेतील आपला पहिला विजय नोंदवला. या विजयामुळे तामिळनाडूने गुणतालिकेत तिसरे स्थान मिळवले, तर गोअन्स हॉकी संघ तळाच्या स्थानावर कायम आहे.

 

तामिळनाडूने सुरुवातीपासूनच आक्रमक खेळ करत सामन्यावर वर्चस्व राखले. गोपिका आर (११वे मिनिट) आणि प्रियदर्शिनी के (१८वे मिनिट) यांनी पहिल्या हाफमध्ये गोल करत तामिळनाडूला २-० अशी आघाडी मिळवून दिली.

 

दुसऱ्या हाफमध्येही तामिळनाडूने आपला आक्रमक खेळ कायम ठेवला. स्वाती शर्मा एसने ५३व्या मिनिटाला, तर थमाराईसेल्वी पीने ५८व्या मिनिटाला गोल करत संघाचा ४-० असा विजय निश्चित केला. गोअन्स हॉकीला संपूर्ण सामन्यात एकही गोल करता आला नाही.

 

निकाल

डिव्हिजन ‘बी’, पूल ‘अ’:

हॉकी मिझोराम: ३ (टोपरो रिलेन् १८’, अल रॉन्गबावल एस्थर ३४’, अंजना एक्स्सा ५१’) वि. दिल्ली हॉकी: १ (दिपिका ५८’).

मध्यंतर: ०-०

डिव्हिजन ‘बी’, पूल ‘ब’:

हॉकी युनिट ऑफ तामिळनाडू: ४ (गोपिका आर ११’, प्रियदर्शिनी के १८’, स्वाती शर्मा एस ५३’, थमाराईसेल्वी पी ५८’) वि. गोअन्स हॉकी: ०

मध्यंतर: २-०

 

गुरुवारी खेळवलेले सामने

 

डिव्हिजन ‘बी’, पूल ‘ब’:

हॉकी उत्तराखंड: १ (दिक्षा ४३’) वि. हॉकी बिहार: १ (सिधी कुमारी ३०’).

मध्यंतर: ०-१