आयआयटी मुंबई तर्फे कॉम्प्युटर सायन्स आणि आर्टिफिशियल इंटेलिजन्समध्ये ई-पदव्युत्तर पदविका सुरू

आयआयटी मुंबई तर्फे कॉम्प्युटर सायन्स आणि आर्टिफिशियल इंटेलिजन्समध्ये ई-पदव्युत्तर पदविका सुरू

मुंबई, 24 ऑगस्ट २०२६: आधुनिक कॉम्प्युटिंगमध्ये आर्टिफिशियल इंटेलिजन्सची वाढती भूमिका आणि एआयचा प्रभावी वापर करण्यासाठी कॉम्प्युटर सायन्सच्या मजबूत पायाची गरज लक्षात घेऊन, आयआयटी मुंबई एज्युकेशनल आउटरीचने कॉम्प्युटर सायन्स आणि आर्टिफिशियल इंटेलिजन्समध्ये ई-पदव्युत्तर पदविका सुरू केली आहे. या कार्यक्रमाच्या कॉम्प्युटर सायन्स पायावर आधारित असलेल्या विस्तारित अभ्यासक्रमात आर्टिफिशियल इंटेलिजन्स आणि मशीन लर्निंगवर लक्षणीयरीत्या अधिक भर देण्यात आला आहे. आयआयटी मुंबईच्या फॅकल्टीने रचना करून शिकवला जाणारा हा कार्यक्रम ग्रेट लर्निंग या एडटेक पार्टनरसह राबवला जात आहे आणि तो कॉम्प्युटर सायन्सचा भक्कम पाया आर्टिफिशियल इंटेलिजन्स व मशीन लर्निंगमधील समकालीन घडामोडींसोबत जोडतो. यामध्ये सिंक्रोनस आणि असिंक्रोनस ऑनलाइन लर्निंगसह आयआयटी मुंबई कॅम्पसमध्ये प्रत्यक्ष कॅम्पस इमर्शनचाही समावेश आहे.

कॉम्प्युटिंग आणि एआयची संकल्पनात्मक समज अधिक खोलवर विकसित करू इच्छिणाऱ्या, प्रेरित आणि तांत्रिकदृष्ट्या सक्षम व्यक्तींसाठी हा ePG डिप्लोमा इन CS & AI तयार करण्यात आला आहे. अभ्यासक्रम कॉम्प्युटर सायन्स आणि आर्टिफिशियल इंटेलिजन्स अँड मशीन लर्निंग अशा दोन बास्केटमध्ये विभागण्यात आला आहे. जनरेटिव्ह एआय, लार्ज लँग्वेज मॉडेल्स, एआय एजंट्स, RAG, MCP, रिइन्फोर्समेंट लर्निंग, कॉम्प्युटर व्हिजन, NLP आणि डीप लर्निंग हे एआय विषय असून, अल्गोरिदम्स अँड कॉम्प्लेक्सिटी, ब्लॉकचेन, वेब अँड सॉफ्टवेअर सिक्युरिटी, क्रिप्टोग्राफी अँड नेटवर्क सिक्युरिटी आणि बिग डेटा सिस्टम इंटर्नल्स हे कॉम्प्युटर सायन्स विषय आहेत.

विद्यार्थ्यांना प्रत्येक बास्केटमधून किमान दोन याप्रमाणे एकूण सहा कोर्सेस पूर्ण करावे लागतील. हा कार्यक्रम एका वर्षात पूर्ण करता येतो, तसेच तीन वर्षांपर्यंत पूर्ण करण्याची लवचिकताही उपलब्ध आहे.

"हा कार्यक्रम विद्यार्थ्यांना केवळ एआय टूल्स वापरण्यासच नव्हे, तर कॉम्प्युटर सायन्स आणि आर्टिफिशियल इंटेलिजन्स मूलभूत पातळीवर समजून घेण्यास सक्षम करेल. वाढत्या एआय-केंद्रित जगात जुळवून घेण्यासाठी, स्पर्धा करण्यासाठी आणि उत्कृष्ट कामगिरी करण्यासाठी ही सखोल समज उपयुक्त ठरेल," असे आयआयटी मुंबईच्या कॉम्प्युटर सायन्स अँड इंजिनिअरिंग विभागातील ePGD(CS & AI) फॅकल्टी कोऑर्डिनेटर प्रा. विनय जे. रिबेरो म्हणाले.

"सॉफ्टवेअर डेव्हलपमेंट आणि कॉम्प्युटिंग सिस्टिम्समध्ये एआय अविभाज्य घटक बनत आहे. व्यावसायिकांना केवळ एआय टूल्सची ओळख असून चालणार नाही; विश्वासार्ह आणि स्केलेबल एआय सिस्टिम्सच्या डिझाइन व अंमलबजावणीला कॉम्प्युटर सायन्सची तत्त्वे कशी आधार देतात, याची सखोल समज त्यांना असणे आवश्यक आहे. कॉम्प्युटर सायन्स आणि आर्टिफिशियल इंटेलिजन्समधील हा ePGD या दोन्ही क्षेत्रांना एकत्र आणतो आणि एआयमधील उच्च मागणी असलेल्या भूमिकांसाठी आवश्यक तांत्रिक खोली विकसित करण्यास विद्यार्थ्यांना मदत करतो," असे ग्रेट लर्निंगचे संस्थापक आणि सीईओ मोहन लाखमराजू म्हणाले.

पदवीदरम्यान किंवा नोकरीदरम्यान कॉम्प्युटर सायन्सचे शिक्षण घेतलेले सॉफ्टवेअर डेव्हलपर्स, इंजिनिअर्स, आयटी प्रोफेशनल्स आणि डेटा सायंटिस्ट्स, तसेच मूलभूत कॉम्प्युटर सायन्स ज्ञान असलेले नवीन पदवीधर यांच्यासाठी हा कार्यक्रम उपयुक्त आहे. यशस्वीरीत्या कार्यक्रम पूर्ण करणाऱ्या विद्यार्थ्यांना आयआयटी मुंबईचा ई-अलुम्नाय दर्जा मिळेल.

अधिक माहितीसाठी भेट द्या: https://www.cse.iitb.ac.in/academics/programme/epgd

अधिक जानकारी के लिए कृपया संपर्क करें: नवमी अजयन: +91 81978 44855