बार्टी अधिछात्रवृत्ती प्रश्न: 'आंबेडकराईट स्टुडंट असोसिएशन'ची समाजकल्याण आयुक्तांसोबत सविस्तर चर्चा; मागण्या मान्य न झाल्यास १९ ऑगस्टपासून बेमुदत धरणे आंदोलन


बार्टी अधिछात्रवृत्ती प्रश्न: 'आंबेडकराईट स्टुडंट असोसिएशन'ची समाजकल्याण आयुक्तांसोबत सविस्तर चर्चा; मागण्या मान्य न झाल्यास १९ ऑगस्टपासून बेमुदत धरणे आंदोलन

पुणे: डॉ. बाबासाहेब आंबेडकर संशोधन व प्रशिक्षण संस्था (बार्टी) अंतर्गत पीएच.डी. संशोधक विद्यार्थ्यांच्या प्रलंबित मागण्यांसंदर्भात नव्याने स्थापन झालेल्या 'आंबेडकराईट स्टुडंट असोसिएशन' च्या शिष्टमंडळाने आज समाजकल्याण आयुक्त दीपा मुधोळ-मुंडे यांची भेट घेऊन त्यांच्याशी सविस्तर चर्चा केली.

या बैठकीत शिष्टमंडळाने बार्टी अधिछात्रवृत्तीच्या (BANRF) जागांची संख्या केवळ १०० न ठेवता ती किमान ६०० करावी आणि ३५ वर्षांची जाचक वयोमर्यादेची अट पूर्णपणे रद्द करावी, या प्रमुख मागण्यांवर प्रशासनाचे लक्ष वेधले. विद्यार्थ्यांच्या भावना आणि मागण्यांची गांभीर्यपूर्वक दखल घेत आयुक्त दीपा मुधोळ मॅडम यांनी या विषयावर सविस्तर चर्चा करून पुढील निर्णय घेण्यासाठी बुधवार, दिनांक १२ ऑगस्ट २०२६ रोजी निबंधक (बार्टी) यांच्या समवेत एका विशेष बैठकीचे आयोजन केले आहे.

शिष्टमंडळात प्रमुख नेत्यांचा समावेश
समाजकल्याण आयुक्त दीपा मुधोळ मॅडम यांच्यासोबत झालेल्या या महत्त्वपूर्ण चर्चेत 'आंबेडकराईट स्टुडंट असोसिएशन' च्या विद्यार्थी शिष्टमंडळाचे नेतृत्व आणि सहभाग राहुल डंबाळे, राहुल ससाने, अक्षय कांबळे, सिद्धार्थ ओव्हाळ, सुरेखा मेश्राम, प्रथमेश सूर्यवंशी आणि नितीन आंधळे यांनी केला. त्यांनी विद्यार्थ्यांची बाजू अत्यंत प्रखरपणे प्रशासनासमोर मांडली.

१९ ऑगस्टपासून बेमुदत धरणे आंदोलनाचा इशारा
१२ ऑगस्ट रोजी होणाऱ्या बार्टी निबंधकांसोबतच्या बैठकीत विद्यार्थ्यांच्या मागण्यांवर ठोस आणि सकारात्मक निर्णय न झाल्यास, सर्व संशोधक विद्यार्थ्यांनी एकत्र येत १९ ऑगस्ट २०२६ पासून पुणे येथील समाजकल्याण आयुक्त कार्यालयासमोर 'बेमुदत धरणे आंदोलन' करण्याचा ठाम निर्णय घेतला आहे. शैक्षणिक संधींमधील भेदभाव आणि जाचक अटींविरोधात संपूर्ण महाराष्ट्रातील मागासवर्गीय विद्यार्थी या आंदोलनात मोठ्या संख्येने उतरणार असल्याचे संघटनेने स्पष्ट केले आहे.

Comments

Post a Comment

Popular posts from this blog

आषाढी वारीनिमित्त कलाकारांची भव्य दिंडी उत्साहात संपन्न

Image
आषाढी वारीनिमित्त कलाकारांची भव्य दिंडी उत्साहात संपन्न पुणे, १० जुलै २०२६ : आषाढी वारीचे औचित्य साधून अखिल भारतीय मराठी चित्रपट महामंडळ आणि बालगंधर्व परिवार ट्रस्ट यांच्या संयुक्त विद्यमाने आयोजित करण्यात आलेली “भव्य कलाकार दिंडी” आज पुण्यात भक्तिमय आणि उत्साहपूर्ण वातावरणात मोठ्या जल्लोषात संपन्न झाली. “संतांच्या चरणी… कलेच्या संगतीने!” या संकल्पनेवर आधारित या दिंडीत चित्रपट, नाटक, संगीत, नृत्य तसेच विविध कला क्षेत्रातील अनेक नामवंत कलाकारांनी उत्स्फूर्त सहभाग नोंदवला. विठ्ठल नामाचा अखंड गजर, अभंग, टाळ-मृदुंगाचा निनाद आणि भगव्या पताकांनी संपूर्ण परिसर भक्तिरसात न्हाऊन निघाला. या भव्य कलाकार दिंडीतून पर्यावरण संवर्धन, स्वच्छता, वृक्षारोपण, प्लास्टिकमुक्त वारी, जलसंधारण तसेच सामाजिक ऐक्य आणि सामाजिक बांधिलकी यांसारखे महत्त्वपूर्ण संदेशही देण्यात आले. कलाकारांनी आपल्या सहभागातून समाजात जनजागृती करण्याचा प्रयत्न केला. अध्यात्मासोबत सामाजिक जबाबदारीची जाणीव करून देणाऱ्या या उपक्रमाला नागरिकांकडून उत्स्फूर्त प्रतिसाद मिळाला. यावेळी अखिल भारतीय मराठी चित्रपट महामंडळाचे अध्यक्ष मेघराज राजेभो...
Read more

भगवान महावीर जयंतीनिमित्त श्री मनमोहन पार्श्वनाथ जैन श्वेतांबर मंदिर ट्रस्टच्या वतीने लाडू बुंदी आणि शेव वाटप.

Image
   भगवान महावीर जयंतीनिमित्त  श्री मनमोहन पार्श्वनाथ जैन श्वेतांबर मंदिर ट्रस्टच्या वतीने लाडू बुंदी आणि शेव वाटप.  भगवान महावीर जयंती निमित्त टिंबर मार्केट येथील श्री मनमोहन पार्श्वनाथ जैन श्वेतांबर मंदिर ट्रस्टच्या वतीने मिरवणुकीत आलेल्या जैन बांधवांना लाडू बुंदी आणि शेव वाटप करण्यात आले. यावेळी श्री पार्श्वनाथ जैन श्वेतांबर मंदिर ट्रस्टचे अध्यक्ष भीमराज संघवी, महेंद्र भंडारी, ट्रस्टी लालचंद जैन, किशोर जैन, हितेश संघवी, रोहित संघवी आदि यावेळी उपस्थित होते.
Read more

सनातन संस्थेच्या वतीने देशभरात ८१, तर पुणे जिल्ह्यात ८ ठिकाणी ‘गुरुपौर्णिमा महोत्सव’ उत्साहात संपन्न!*

Image
*सनातन संस्थेच्या वतीने देशभरात ८१, तर पुणे जिल्ह्यात ८ ठिकाणी ‘गुरुपौर्णिमा महोत्सव’ उत्साहात संपन्न!* *आगामी आपत्काळातून तारण्यासाठी आणि ‘रामराज्या’साठी साधनेला पर्याय नाही - श्री चैतन्य तागडे* पुणे - संपूर्ण जगावर घोंघावणारे तिसऱ्या महायुद्धाचे संकट, वाढती महागाई आणि नैराश्य यांवर मात करण्यासाठी भौतिक उपायांपेक्षा आध्यात्मिक अधिष्ठान आवश्यक आहे. समाजाला दिशा देण्यासाठी आणि ‘रामराज्य’ स्थापनेसाठी साधनेला पर्याय नाही, असे प्रतिपादन सनातन संस्थेचे श्री. चैतन्य तागडे यांनी केले. चिंचवड येथील 'जी. एम. के. बँक्वेट्स अँड लॉन्स' येथे आयोजित गुरुपौर्णिमा महोत्सवात ते बोलत होते. सनातन संस्थेच्या वतीने यंदा विविध भाषांमध्ये देशभरात ८१ ठिकाणी, तर पुणे जिल्ह्यात चिंचवडसह तळेगाव, कोथरूड, हडपसर, जुन्नर, सातारा रस्ता, भोर, सिंहगड रस्ता अशा एकूण ८ ठिकाणी हा महोत्सव अत्यंत भावपूर्ण वातावरणात पार पडला.या कार्यक्रमाचा लाभ ४००० हून अधिक भाविकांनी घेतला. *हिंदुत्वाचे कार्य करणारा कार्यकर्ता कसा असावा, याचा आदर्शच सनातनच्या साधकांनी आपल्या आचरणातून घालून दिला आहे*. - *श्री. सर्वेश मेहेंदळे, सामाजि...
Read more