एफ१® सिम रेसिंग इंडिया ओपनच्या ब्रँड अँबेसेडरपदी जेमिमा रॉड्रिग्सची निवड

 

एफ१® सिम रेसिंग इंडिया ओपनच्या ब्रँड अँबेसेडरपदी जेमिमा रॉड्रिग्सची निवड

 

~जेमिमाने देशभरातील इच्छुक रेसर्सना देशभरात आयोजित एफ१® सिम रेसिंग इंडिया ओपनमध्ये सहभागी होण्याचे आणि ३० जुलै ते १ ऑगस्ट दरम्यान भारत मंडपम, दिल्ली येथे होणाऱ्या टाईम ट्रायल्समध्ये सामील होण्याचे आवाहन केले~

 

 

दिल्ली, ३० जुलै २०२६: मुंबई फाल्कन्स रेसिंग लिमिटेडने (एमएफआरएल) आज आगामी एफ१® सिम रेसिंग इंडिया ओपन २०२६ साठी भारतीय महिला क्रिकेट स्टार जेमिमा रॉड्रिग्सची ब्रँड अँबेसेडर म्हणून नियुक्ती करण्याची घोषणा केली. मुंबई फाल्कन्सची ब्रँड अँबेसेडर म्हणून ती श्रेयस अय्यरसोबत सामील झाली आहे, ज्यामुळे संपूर्ण भारतात मोटरस्पोर्टची पोहोच वाढवण्याच्या टीमच्या प्रयत्नांना अधिक बळ मिळेल. एफ१ प्लॅटफॉर्मवर स्पर्धा करणारा पुढील भारतीय रेसर शोधण्याचा एमएफआरएलला विश्वास आहे आणि ही चॅम्पियनशिप देशभरातील रेसिंग प्रतिभा समोर आणेल.

देशभरातील इच्छुक रेसर्सना प्रोत्साहन देताना, जेमिमा रॉड्रिग्सने तरुण गेमिंग आणि मोटरस्पोर्ट प्रेमींना देशभरातील एफ१® सिम रेसिंग इंडिया ओपनमध्ये सहभागी होण्याचे आणि जागतिक मंचावर भारताचे प्रतिनिधित्व करण्याची संधी साधण्याचे आवाहन केले. तिने सहभागी आणि चाहत्यांना ३० जुलै ते १ ऑगस्ट दरम्यान भारत मंडपम, दिल्ली येथे आयोजित करण्यात येत असलेल्या टाईम ट्रायल्समध्ये या थराराचा प्रत्यक्ष अनुभव घेण्याचे आमंत्रण दिले; जिथे स्पर्धक चॅम्पियनशिपच्या पुढील टप्प्यातील स्थानासाठी एकमेकांशी स्पर्धा करतील.

 

फॉर्म्युला १® ने गेल्या काही वर्षांत विशेषतः तरुण प्रेक्षक आणि महिलांमध्ये उल्लेखनीय वाढ पाहिली आहे. फॉर्म्युला १ च्या जागतिक फॅनबेसमध्ये महिलांचा वाटा २०१८ मधील ३७ टक्क्यांवरून आता ४२ टक्क्यांवर पोहोचला आहे, तर २०२५ मधील नवीन चाहत्यांपैकी तब्बल ४८ टक्के महिला आहेत. भारतातही असाच कल दिसून येत आहे, जिथे देशातील फॉर्म्युला १ च्या प्रेक्षकांमध्ये महिलांचे प्रमाण सुमारे ४० टक्के आहे. तसेच २०२० मधील अंदाजे ३१ दशलक्षवरून एकूण फॅनबेस आज सुमारे ७९ दशलक्षपर्यंत वाढला आहे. कोअर मुंबई येथील यशस्वी सहभागानंतर, ही चॅम्पियनशिप आता दिल्लीत पोहोचली आहे, जिथे मध्यवर्ती टाईम ट्रायल्सद्वारे थेट झोनलमध्ये प्रवेशाची नवीन संधी उपलब्ध करून दिली आहे. २ कोटी रुपयांची बक्षीस रक्कम तरुण प्रतिभेला एफ१ च्या प्रवासाला सुरुवात करण्यासाठी ड्रायव्हर डेव्हलपमेंट फंड म्हणून कामी येईल.

 

जेमिमा रॉड्रिग्स आवड आणि चिकाटीने प्रेरित असलेल्या अशा खेळाडूचे खरे प्रतिनिधित्व करते, जे फॉर्म्युला १® च्या व्हिजनशी सुसंगत आहे आणि भारतातील प्रेक्षकांचा सहभाग वाढवेल. तिचा प्रवास स्थिरता, महत्त्वाकांक्षा आणि प्रतिभा ही कधीही परंपरेपुरती मर्यादित असू नये या विश्वासाचे दर्शन घडवतो. यामुळे अधिकाधिक महिला आणि तरुण भारतीयांना मोटरस्पोर्ट क्षेत्र शोधण्यासाठी प्रोत्साहन देण्याचा उद्देश असलेल्या या उपक्रमासाठी ती एक स्वाभाविक ब्रँड अँबेसेडर ठरते.

 

या उपक्रमाशी जोडले जाण्याबद्दल मत व्यक्त करत जेमिमा रॉड्रिग्स म्हणाली: “माझा नेहमी विश्वास राहिला आहे की, खेळामध्ये दृष्टिकोन बदलण्याची आणि पुढील पिढीसाठी संधींची दारे उघडण्याची ताकद असते. क्रिकेटने मला अशा संधी दिल्या आहेत ज्यांचा मी लहानपणी फक्त स्वप्नातच विचार करू शकत होते, आणि मला आशा आहे की, हा उपक्रम अधिकाधिक तरुण मुलींना कोणताही खेळ आवाक्याबाहेर नाही यावर विश्वास ठेवण्यासाठी प्रेरित करेल. फॉर्म्युला १ आणि मोटरस्पोर्ट चाहत्यांच्या एका संपूर्ण नव्या पिढीला आकर्षित करत आहेत, आणि तरुणांना स्पर्धा करण्याची, शिकण्याची व मोठी स्वप्ने पाहण्याची संधी देणाऱ्या उपक्रमाचा भाग असणे हे खूप आनंददायी आहे. क्रिकेट आणि रेसिंग या दोन्ही खेळांमध्ये जलद निर्णयक्षमता, सातत्य आणि दबावाखाली संयम राखणे आवश्यक असते, आणि देशभरातील इच्छुक रेसर्स त्यांच्या प्रवासाची सुरुवात करत असताना त्यांना भेटण्यासाठी मी उत्सुक आहे.”

ब्रँड अँबेसेडर्सच्या या घोषणेबद्दल मत व्यक्त करत मुंबई फाल्कन्स रेसिंग लिमिटेडचे व्यवस्थापकीय संचालक अमित गढोक म्हणाले, “फॉर्म्युला १ चा वेगाने विकास होत आहे आणि त्याचप्रमाणे त्याचा प्रेक्षकवर्गही बदलत आहे. पूर्वीपेक्षा आता अधिक तरुण आणि महिला प्रेक्षक या खेळाचा पाठपुरावा करत आहेत; त्यामुळे यशस्वी होण्याची आवड आणि गुणवत्ता असलेल्या प्रत्येकासाठी संधी निर्माण करण्याची हीच योग्य