दिल्ली पब्लिक स्कूल पुणे ईस्टला २०२७–२८ प्रवेश प्रक्रियेसाठी पालकांचा उत्स्फूर्त प्रतिसाद

दिल्ली पब्लिक स्कूल पुणे ईस्टला २०२७–२८ प्रवेश प्रक्रियेसाठी पालकांचा उत्स्फूर्त प्रतिसाद

 

पुणे, दि. १६ जुलै २०२६: दिल्ली पब्लिक स्कूल सोसायटी, नवी दिल्लीचा समृद्ध शैक्षणिक वारसा आता पुणे पूर्व भागात घेऊन येत दिल्ली पब्लिक स्कूल (डीपीएस) पुणे ईस्ट आपल्या शैक्षणिक प्रवासाला सुरुवात करत आहे. विद्यार्थ्यांना जागतिक दर्जाचे शिक्षण, नवोपक्रम, सर्वांगीण विकास आणि मूल्याधिष्ठित शिक्षण देण्याच्या उद्देशाने ही संस्था उभारली जात आहे.

शैक्षणिक वर्ष २०२७–२८ साठी नर्सरी ते इयत्ता सहावी प्रवेशासाठी सुरू करण्यात आलेल्या एक्सप्रेशन ऑफ इंटरेस्ट (EOI) ला पुणे आणि परिसरातील पालकांकडून उत्साहवर्धक प्रतिसाद मिळाला आहे. लवकरच प्रवेश प्रक्रिया सुरू होणार असून, पुढील काही वर्षांत शाळेचा विस्तार टप्प्याटप्प्याने इयत्ता बारावीपर्यंत करण्यात येणार आहे.

सात दशकांहून अधिक काळाचा गौरवशाली इतिहास असलेल्या दिल्ली पब्लिक स्कूल सोसायटीने देशभरातील आपल्या शाळांद्वारे गुणवत्तापूर्ण शिक्षणाचे नवे मापदंड निर्माण केले आहेत. शैक्षणिक उत्कृष्टता, नेतृत्वगुण, सर्जनशीलता, चारित्र्य विकास आणि सर्वांगीण व्यक्तिमत्त्व घडविण्याच्या परंपरेमुळे डीपीएसमधून घडलेले विद्यार्थी विविध क्षेत्रांत यशस्वी नेतृत्व करत आहेत.

डीपीएस पुणे ईस्ट ही संस्था विद्यार्थ्यांमध्ये जिज्ञासा, चिकित्सक विचार, नवोपक्रम, सहकार्य, भावनिक सक्षमता आणि सामाजिक मूल्यांची जपणूक करण्यावर भर देणार आहे. वेगाने बदलणाऱ्या जगात यशस्वी होण्यासाठी आवश्यक ज्ञान, कौशल्ये आणि आत्मविश्वास विद्यार्थ्यांमध्ये विकसित करण्याचे शाळेचे ध्येय आहे.

यावेळी मुख्य शिक्षणप्रमुख (Chief Learner) व संचालक सिद्धार्थ राजगढिया म्हणाले, "डीपीएस पुणे ईस्टची स्थापना म्हणजे पुण्यातील विद्यार्थ्यांसाठी आणि पालकांसाठी दीर्घकालीन बांधिलकीची सुरुवात आहे. शिक्षण हे केवळ परीक्षेतील गुणांसाठी नसून जिज्ञासू विचार, संवेदनशीलता, सुदृढ चारित्र्य आणि बदलत्या जगाला समर्थपणे सामोरे जाण्याची क्षमता विकसित करणारे असावे. प्रत्येक विद्यार्थ्याची क्षमता ओळखून त्याला आत्मविश्वासपूर्ण, जबाबदार आणि यशस्वी नागरिक म्हणून घडविण्याचा आमचा प्रयत्न असेल."

शाळेचे नेतृत्व प्रवर्तक व अध्यक्ष गौतम राजगढिया आणि मुख्य शिक्षणप्रमुख व संचालक सिद्धार्थ राजगढिया यांच्या मार्गदर्शनाखाली कार्यरत असून, शैक्षणिक उत्कृष्टता, आधुनिक तंत्रज्ञान आणि मानवी मूल्यांचा संगम घडविण्याचा त्यांचा संकल्प आहे.

डीपीएस पुणे ईस्टच्या अत्याधुनिक परिसरात कृत्रिम बुद्धिमत्ता (AI) सक्षम सुविधा, स्मार्ट क्लासरूम, STEM व विषयनिहाय प्रयोगशाळा, इनोव्हेशन स्पेसेस, जागतिक दर्जाच्या कला-सांस्कृतिक सुविधा तसेच बास्केटबॉल, फुटबॉल, क्रिकेट, बॅडमिंटन आणि पिकलबॉलसह विस्तृत क्रीडा सुविधा उपलब्ध असतील.

विद्यार्थ्यांच्या सुरक्षिततेला सर्वोच्च प्राधान्य देत परिसरात २४x७ सीसीटीव्ही देखरेख, जीपीएसयुक्त बस सेवा, सुरक्षित कॅम्पस व्यवस्था आणि विद्यार्थ्यांच्या सर्वांगीण कल्याणासाठी विशेष प्रणाली कार्यान्वित करण्यात येणार आहे.

या शैक्षणिक प्रवासाची शुभ सुरुवात म्हणून १६ जुलै २०२६ रोजी डीपीएस पुणे ईस्टच्या कार्यालयात पूजन समारंभ पार पडला. हा समारंभ विद्यार्थ्यांच्या उज्ज्वल भविष्यासाठी विश्वास, मूल्ये आणि गुणवत्तापूर्ण शिक्षणाच्या नव्या पर्वाची सुरुवात दर्शवतो.

शाळेचा पत्ता:

सर्व्हे क्र. १३४७, उबाळे नगर, गाव वाघोली, पुणे – ४१२२०७