जीएफटीआर २०२६ मधून पुण्यातील पारंपारिक स्नॅक्स आणि आधुनिक खाद्य ट्रेंड्सचे संयोजन निदर्शनास आले

जीएफटीआर २०२६ मधून पुण्यातील पारंपारिक स्नॅक्स आणि आधुनिक खाद्य ट्रेंड्सचे संयोजन निदर्शनास आले

गोदरेज विक्रोळी कुसिनाने नवी दिल्लीतील टेस्टिंग इंडिया: क्युलिनरी कॉन्झर्व्हेशन्समध्ये वर्ल्ड गौरमांड अवॉर्ड विजेत्या गोदरेज फूड ट्रेंड्स रिपोर्ट २०२६ चे नववे एडिशन सादर केले. या वर्षीची संकल्पना स्टोरीज आहे, जिथे अन्नाचा अनुभव आता फक्त चवीपुरता मर्यादित न राहता त्याचे मूळ स्थान, सांस्कृतिक आठवणी आणि मानवी नातेसंबंधांच्या माध्यमातून अन्नाचा आस्‍वाद कसा घेतला जात आहे, हे यातून दिसून येते.

जीएफटीआर २०२६ मधील टॉप ट्रेंड्समध्‍ये चटपटीत व तिखट चवींची वाढती मागणी, महिला शेतकऱ्यांचे वाढते महत्त्व, मिठाईला मिळालेले इंडो-मॉडर्न रूप, प्रोटीनचे नमकीनमध्ये झालेले रूपांतर आणि गृहिणींच्या स्वयंपाकाची बदलती शैली यांचा समावेश आहे. पुण्यात जुने प्रतिष्ठित खाद्य ब्रँड्स आणि नवीन काळातील स्थानिक व्यावसायिक भाकरवडी आणि चिवडा यांसारख्या प्रादेशिक पदार्थांभोवती अनोख्या कथा गुंफत आहेत, जुन्या आठवणींना आधुनिक स्वरूपाची जोड देत आहेत. हे प्रोटीनचे नमकीनमध्ये रूपांतर होणे आणि ओळखीच्या स्नॅक्समध्ये पौष्टिक सुधारणा होण्याच्या जागतिक ट्रेंडनुसार आहे. तसेच, दैनंदिन महाराष्ट्रीयन खाद्यसंस्कृतीशी जोडलेल्या या स्टोरीटेलिंगमुळे तरुण आणि शहरी ग्राहकांशी एक घट्ट नाते निर्माण होत आहे.

स्नॅकिंगबद्दल आपले विचार व्‍यक्त करत फूड राइटर रुक्षाना ए. कपाडिया म्हणाल्या, "सहज उपलब्धता, परवडणारी किंमत, चव आणि सोय यांमुळे ही उत्पादने अपरिहार्य बनली आहेत. चव, पॅकेजिंग आणि मार्केटिंगमधील सततच्या नाविन्यतेमुळे हा विभाग नेहमीच ताजा आणि उत्साहवर्धक राहतो, पण यात काही तडजोडीही कराव्या लागतात. या खाद्यपदार्थांशी असलेले भावनिक नाते इतके घट्ट आहे की, त्यांची जागा पूर्णपणे दुसरा कोणताही पदार्थ घेऊ शकत नाही. पण, अधिक प्रक्रिया केलेल्‍या अन्नपदार्थांच्या दुष्परिणामांबाबत वाढती जागरूकता पाहता स्नॅक उत्पादकांसाठी नाविन्यपूर्ण बदल करण्याची एक मोठी संधी उपलब्ध झाली आहे."