व्ही.व्ही. नातू स्मृती योनेक्स-सनराईज अखिल भारतीय मानांकन बॅडमिंटन स्पर्धेत एकेरीत जिनपॉल सोना, इलिशा पाल यांना विजेतेपद

व्ही.व्ही. नातू स्मृती योनेक्स-सनराईज अखिल भारतीय मानांकन बॅडमिंटन स्पर्धेत एकेरीत जिनपॉल सोना, इलिशा पाल यांना विजेतेपद 

पुणे, 14 जून 2026 : पुणे जिल्हा मेट्रोपॉलिटन बॅडमिंटन संघटनेच्या (पीडीएमबीए) यांच्या वतीने आयोजित भारतीय बॅडमिंटनमधील अत्यंत प्रतिष्ठेच्या 'व्ही.व्ही. नातू मेमोरियल योनेक्स-सनराईज अखिल भारतीय मानांकन बॅडमिंटन 2026स्पर्धेत' पुरुष गटात दिल्लीच्या जिनपॉल सोना याने तर, महिला गटात कर्नाटकाच्या इलिशा पाल यांनी आपापल्या प्रतिस्पर्धी खेळाडूंचा पराभव करून विजेतेपद संपादन केले. दुहेरीत पुरुष गटात कृष्ण प्रसाद जी. व पृथ्वी रॉय के. यांनी, महिला गटात शिखा गौतम व अश्विनी भट यांनी आणि मिश्र दुहेरीत नितीन कुमार व लिखिता श्रीवास्तव यांनी विजेतेपद पटकावले. 

भारतीय बॅडमिंटन संघटना आणि महाराष्ट्र बॅडमिंटन संघटना यांच्या मान्यतेखाली वेदांत स्पोर्ट्स अकॅडमी, ताथवडे, पुणे येथे पार पडलेल्या या स्पर्धेत मुख्य ड्रॉमध्ये अंतिम फेरीत एकेरीत पुरुष गटात अव्वल मानांकित दिल्लीच्या जिनपॉल सोना याने आपल्या लौकिकाला साजेशी खेळी करत दुसऱ्या मानांकित हरियाणाच्या रवीचा 24-22, 21-14 असा पराभव करून विजेतेपद पटकावले. हा सामना 41 मिनिटे चालला. २० वर्षीय जिनपॉल हा रेवा विद्यापीठ येथे बीएससीच्या तिसऱ्या वर्षांला शिकत असून प्रकाश पदुकोण बॅडमिंटन अकादमीत प्रशिक्षक सागर चोप्रा यांच्या मार्गदर्शनाखाली सराव करतो. 

 

महिला गटात अंतिम फेरीत कर्नाटकच्या इलिशा पाल हिने दिल्लीच्या ऋषिका नंदीचा 21-14, 14-21, 21-07 असा पराभव करून विजेतेपदाचा मान पटकावला. हा सामना 48 मिनिटे चालला. इलिशा हि जैन कॉलेजमध्ये बीबीएचे शिक्षण घेत असून पुल्लेला गोपीचंद अकादमीत सराव करते. 

दुहेरीत अंतिम फेरीत पुरुष गटात आंध्रप्रदेशच्या कृष्ण प्रसाद जी. व कर्नाटकच्या पृथ्वी रॉय के. यांनी आसामच्या सूरज गोआला व कर्नाटकाच्या निकोलस नॅथन राज यांचा 21-14, 21-13 असा पराभव करून विजेतेपदावर शिक्कामोर्तब केले. हा सामना 28 मिनिटे चालला. महिला दुहेरीत अंतिम लढतीत अव्वल मानांकित कर्नाटकाच्या शिखा गौतम व अश्विनी भट के या जोडीने तिसऱ्या मानांकित तामिळनाडूच्या श्रेया बालाजी व दिल्लीच्या लिखिता श्रीवास्तव यांचा 21-12, 21-15 असा पराभव करून विजेतेपद पटकावले. हा सामना 35 मिनिटे चालला. दुहेरीत अंतिम फेरीत पुरुष गटात आंध्रप्रदेशच्या कृष्ण प्रसाद जी. व कर्नाटकच्या पृथ्वी रॉय के. यांनी आसामच्या सूरज गोआला व कर्नाटकाच्या निकोलस नॅथन राज यांचा 21-14, 21-13 असा पराभव करून विजेतेपदावर शिक्कामोर्तब केले. हा सामना 28 मिनिटे चालला. महिला दुहेरीत अंतिम लढतीत अव्वल मानांकित कर्नाटकाच्या शिखा गौतम व अश्विनी भट के या जोडीने तिसऱ्या मानांकित तामिळनाडूच्या श्रेया बालाजी व दिल्लीच्या लिखिता श्रीवास्तव यांचा 21-12, 21-15 असा पराभव करून विजेतेपद पटकावले. हा सामना 35 मिनिटे चालला. 

मिश्र दुहेरीत अंतिम सामन्यात दिल्लीच्या तिसऱ्या मानांकित नितीन कुमार व लिखिता श्रीवास्तव यांनी चंदीगढच्या आयुष मखिजा व महाराष्ट्राच्या सिमरन सिंघी यांचा 22-20, 21-10 असा पराभव करून विजेतेपदाला गवसणी घातली. हा सामना 36 मिनिटे चालला. 

स्पर्धेतील विजेत्या व उपविजेत्या खेळाडूंना करंडक, प्रशस्तिपत्रक व दहा लाख रुपयांची रोख रकमेची पारितोषिके देण्यात आली. स्पर्धेचे पारितोषिक वितरण पीसीएमसीचे माजी महापौर व नगरसेवक योगेश बेहल, टीओसी बॅडमिंटन एशियाचे चेअरमन ओमर रशिद, अनुराधा नातू, माजी नगरसेवक उल्हास शेट्टी, अल्ट्रा कॉर्पोटेक प्रायव्हेट लिमिटेडचे मुख्य व्यवस्थापकीय संचालक व वेदांत स्पोर्ट्स अकादमीचे संचालक अशोक भोसले, योनेक्स सनराईजचे बालकिशन चौधरी यांच्या हस्ते करण्यात आले. यावेळी पूना गेम फाउंडेशनचे संचालक गिरीश नातू, अल्ट्रा कॉर्पोटेकचे बिझनेस डेव्हलपमेंट विभागाचे कार्यकारी संचालक दिपक शेट्टी, विश्वास देशवंडीकर, अल्ट्रा कॉर्पोटेकचे बिझनेस डेव्हलपमेंट विभागाचे सर व्यवस्थापक यश भोसले, पीडीएमबीएचे उपाध्यक्ष शशांक हळबे, सरचिटणीस सीए रणजीत नातू, स्पर्धा सचिव राजीव बाग आदी मान्यवर उपस्थित होते. 

  

निकाल: मुख्य ड्रॉ: अंतिम फेरी: महिला: इलिशा पाल [12](कर्नाटक)वि.वि.ऋषिका नंदी(दिल्ली)21-14, 14-21, 21-07; 

   

पुरुष: जिनपॉल सोना[1](दिल्ली) वि.वि. रवी[2](हरियाणा) 24-22, 21-14;   

मिश्र दुहेरी: नितीन कुमार/लिखिता श्रीवास्तव[3](दिल्ली)वि.वि. आयुष मखिजा(चंदीगढ)/सिमरन सिंघी(महाराष्ट्र) 22-20, 21-10; (36minutes)

महिला दुहेरी: शिखा गौतम/अश्विनी भट के[1](कर्नाटक)वि.वि.श्रेया बालाजी(तामिळनाडू)/लिखिता श्रीवास्तव [3](दिल्ली) 21-12, 21-15;   

 

 पुरुष दुहेरी: कृष्ण प्रसाद जी.(आंध्रप्रदेश)/पृथ्वी रॉय के.(कर्नाटक)वि.वि. सूरज गोआला(आसाम)/निकोलस नॅथन राज(कर्नाटक) 21-14, 21-13.