कोका-कोला आणि गुगलने जेमिनी एक्सपिरियन्सच्या मदतीने कोक ब्रेकला दिले नवे रूप

कोका-कोला आणि गुगलने जेमिनी एक्सपिरियन्सच्या मदतीने कोक ब्रेकला दिले नवे रूप

 

राष्ट्रीय, २८ मे २०२६: कोका-कोला इंडियाने गुगलसोबत सहयोगाने आणि गुगल जेमिनीच्या मदतीने विकसित केलेल्या “कोका-कोला हाफटाइम सरप्राईज” या नवीन एआय-समर्थित अनुभवासह प्रत्येक ब्रेकला अधिक उत्‍साहवर्धक बनवले आहे. हे दोन आघाडीचे ब्रँड्स एकत्र येत तीन वेगवेगळ्या एआय-आधारित प्रवासांचे मार्ग खुले करत आहेत, जे दैनंदिन कोक ब्रेक्सचे रूपांतर आश्चर्य, सर्जनशीलता आणि आत्म-अभिव्यक्तीच्या आनंददायी क्षणांमध्ये करण्यासाठी डिझाइन करण्‍यात आले आहेत.

कोका-कोलाच्या जागतिक “हाफटाइम” तत्त्वज्ञानापासून प्रेरित होऊन ग्राहक कोणत्याही विशेष कोका-कोला पॅकवरील क्यूआर  कोड स्कॅन करू शकतात आणि या काल्पनिक नवीन जगात प्रवेश करू शकतात. तीन अनोख्या लेबल्सपैकी एक अनलॉक करून वापरकर्ते गुगल जेमिनीवरील थीम-आधारित, गेमिंग इंटरफेसमध्ये प्रवेश करतात, जिथे सोपे टॅप्स, स्वाइप्स आणि स्वतःच्या आवडीनुसार दिलेले इनपुट्स नेहमीच्या ब्रेकला आत्म-अभिव्यक्तीच्या वैयक्तिक प्रवासामध्ये बदलतात.

जेमिनीच्या कॅनव्हास वैशिष्ट्याचा वापर करून सिनेमॅटिक कॉमिक-स्ट्रिप विश्व, काल्पनिक कालमर्यादा आणि संगीताने प्रेरित अल्टर ईगो यांसारख्या प्रत्येक संवादातून नवीन सर्जनशील अनुभव समोर येतात. एक क्षण ग्राहकांना बदलणारी पात्रे आणि सौंदर्याने नटलेल्या नाट्यमय दृश्यांमध्ये घेऊन जाऊ शकतो, तर दुसरा क्षण त्यांना डायनासोर असलेल्या प्रागैतिहासिक युगात, मध्ययुगीन किल्ल्यांमध्ये किंवा एआय-समर्थित सर्जनशीलतेद्वारे कल्पिलेल्या भविष्यकालीन जगात घेऊन जाऊ शकतो. या अनोख्या एआय-निर्मित कलाकृतींसोबत ग्राहकांना रिवॉर्ड्स अनलॉक करण्याची आणि वाऊचर्स जिंकण्याची संधी देखील मिळणार आहे.

या जगात प्रवेश करण्यासाठी, ग्राहक पॅक स्कॅन करू शकतात आणि तीन विशिष्ट साहसी प्रवासांपैकी एकाची निवड करू शकतात:

●       रॉकस्टार बना: वापरकर्ते जुनी आठवण करून देणाऱ्या ज्युकबॉक्स इंटरफेसवर टॅप करून स्वतःच्या सेल्फीचे रूपांतर सानुकूलित ट्रॅक्ससह वैयक्तिक अल्बम कव्हरमध्ये करू शकतात, ज्याद्वारे त्यांना कॉन्सर्ट तिकीट जिंकण्याची संधी मिळू शकते.

 

●        मूव्ही स्टार बना: वापरकर्ते मूव्ही वेंडिंग मशीन इंटरफेसवर स्वाइप करून सानुकूलित ६-पॅनेलच्या कॉमिक स्ट्रिपमध्ये मुख्य पात्राची भूमिका साकारू शकतात, ज्याद्वारे त्यांना चित्रपटाचे वाऊचर जिंकण्याची संधी मिळू शकते.

 

●       काळाचा प्रवास करा: वापरकर्ते डिजिटल टाइम मशीनचे सारथ्य करून स्वतःच्या सेल्फीभोवती एक आकर्षक, व्हिजन-बोर्ड शैलीतील कोलाज तयार करू शकतात, ज्याद्वारे त्यांना विमान प्रवास आणि हॉटेलचे वाऊचर्स जिंकण्याची संधी मिळू शकते.

 

 

कोका-कोला इंडिया आणि साऊथवेस्‍ट एशियाच्या मार्केटिंग विभागाच्या उपाध्‍यक्षा ग्रीष्मा सिंग म्हणाल्या, “आजच्या जनरेशन झेड ग्राहकांसाठी आत्म-अभिव्यक्ती प्रवाही, दृश्यात्मक आणि संगीत व डिजिटल संस्कृतीने प्रभावित असलेली आहे. कोका-कोला हाफटाइम सरप्राईजच्या माध्यमातून आम्हाला कोकच्या ब्रेकला त्यांच्यासाठी अधिक सहभागात्मक, आनंददायी आणि वैयक्तिक बनवायचे होते. यातली सर्वात रोचक बाब म्हणजे गुगल जेमिनीच्या मदतीने होणारा प्रत्येक संवाद अनोखा असेल. तुम्ही तुमची स्वतःची कॉमिक स्ट्रिप तयार करत असाल, केवळ एआयच्या मदतीने शक्य असलेल्या जगात काळाचा प्रवास करत असाल किंवा तुमच्या अल्बमचे कव्हर डिझाइन करत असाल, हा अनुभव पूर्णपणे तुमचा स्वतःचा वाटेल. गुगलसोबत हा सहयोग सर्जनशीलता आणि तंत्रज्ञानाला एकत्र आणतो, ज्यामुळे कोका-कोला पॅकवरील एक साधा स्कॅन देखील खऱ्या शोधाचा क्षण बनतो.”

गुगल इंडियाचे मार्केटिंगचे उपाध्‍यक्ष शेखर खोसला म्हणाले, “ब्रँडसोबतचा संवाद संवादात्मक, वैयक्तिक आणि मनोरंजक असतो तेव्हाच सर्वात जास्त लक्षात राहणारा ठरतो. आम्हाला कोका-कोलासोबत सहयोग करताना आनंद होत आहे, ज्यामुळे कोका-कोला हाफटाइम सरप्राईज व्‍यक्तींना गुगल जेमिनीचा वापर करून खेळण्याचा, नवनिर्मिती करण्याचा आणि शेअर करण्याचा एक आकर्षक मार्ग उपलब्ध करून देईल. या संवादाला अधिक उत्कंठावर्धक बनवणारी गोष्ट म्हणजे खरोखर वैयक्तिकृत अनुभव तयार करण्याची क्षमता. जेमिनीला एक सर्जनशील सोबती बनवून व्‍यक्ती सहजपणे नवीन दृश्यात्मक कथांचा विचार करू शकतात आणि दैनंदिन क्षणांचे रूपांतर आत्म-अभिव्यक्तीच्या मजेदार प्रदर्शनात करू शकतात.”

हे लाँच कोका-कोलाच्या दिवाळी दरम्यानच्या फेस्टिकॉन्स या जनरेटिव्ह एआय-आधारित मोहिमेच्या यशावर आधारित आहे, ज्याने ग्राहकांना मोठ्या प्रमाणावर वैयक्तिकृत सणांचे संदेश तयार करण्याची संधी दिली होती. कोका-कोला हाफटाइम सरप्राईजच्या माध्यमातून कोका-कोला इंडिया तीच सर्जनशीलतेची भावना एका ऑलवेज-ऑन (सतत उपलब्ध असणाऱ्या) अनुभवात रूपांतरित करत आहे, जो दैनंदिन क्षणांना अधिक अर्थपूर्ण, संवादात्मक आणि आश्चर्याने भरलेले बनवण्यासाठी डिझाइन करण्यात आला आहे.