मुंबई–पुणे मार्गासाठी स्विच मोबिलिटीचा प्रसन्न पर्पल मोबिलिटी सोल्युशन्सच्या इलेक्ट्रिक इंटरसिटी बसेसना हिरवा झेंडा

मुंबई–पुणे मार्गासाठी स्विच मोबिलिटीचा प्रसन्न पर्पल मोबिलिटी सोल्युशन्सच्या इलेक्ट्रिक इंटरसिटी बसेसना हिरवा झेंडा

 

पुणे, 10 एप्रिल 2026: इलेक्ट्रिक बसेस आणि हलक्या व्यावसायिक वाहनांची जागतिक उत्पादक तसेच 'हिंदुजा समूहा'चा एक भाग असलेल्या स्विच मोबिलिटीने आज महाराष्ट्र शासनाच्या राज्यमंत्री मा. माधुरी मिसाळ यांच्या उपस्थितीत, 'प्रसन्न पर्पल मोबिलिटी सोल्युशन्स'साठी (पर्पल बस) आपल्या 'EiV12mt' दोन शहरांमधील प्रवासासाठी इलेक्ट्रिक कोचेसच्या 10 युनिट्सची पहिली तुकडी रवाना केली.

 

यामुळे स्विच मोबिलिटीने प्रथमच खासगी क्षेत्रासाठी पहिली इंटरसिटी व्यवस्था केली आहे. त्याच वेळी, 'प्रसन्न पर्पल मोबिलिटी सोल्युशन्स'चा इंटरसिटी इलेक्ट्रिक मोबिलिटी क्षेत्रात प्रवेश करण्याचा मार्गही खुला झाला आहे. व्हर्टेलो सोबतच्या धोरणात्मक भागीदारी अंतर्गत, 'प्रसन्न पर्पल मोबिलिटी सोल्युशन्स' भारताच्या सर्वात व्यस्त प्रवास मार्गांपैकी एक असलेल्या 'मुंबई-पुणे' मार्गावर या बसेसची सेवा सुरू करत आहे. या एकूण कंत्राटात 25 इलेक्ट्रिक बसेसचा समावेश असून, उर्वरित बसेसची डिलिव्हरी या वर्षाच्या कालावधीत टप्प्याटप्प्याने केली जाणार आहे. शहरांतर्गत प्रवासाच्या माध्यमातून इलेक्ट्रिक मोबिलिटीला मुख्य प्रवाहात आणण्याच्या दिशेने टाकलेले हे एक महत्त्वपूर्ण पाऊल आहे. वाहतूक सेवा पुरवणारे ऑपरेटर्स अधिकाधिक शाश्वत, कार्यक्षम आणि भविष्यासाठी सज्ज अशा वाहतूक उपायांकडे वळत आहेत.

 

स्विच EiV12mt ही शहरांतर्गत धावणारी बस उत्कृष्ट कामगिरी, कार्यक्षमता आणि प्रवाशांचा आराम यांचा सुरेख संगम आहे. विशेषतः लांब पल्ल्याच्या प्रवासासाठीच तिची रचना करण्यात आली आहे. यामध्ये 45 पुशबॅक सीट्स असून एका चार्जवर 300 किमीहून अधिक अंतर कापण्याची क्षमता आहे. तसेच फास्ट-चार्जिंगची सुविधा उपलब्ध आहे, ज्यामुळे लांब पल्ल्याचा शहरांतर्गत प्रवास व्यवस्थित करता येतो. प्रगत सुरक्षा यंत्रणा, सुखद प्रवास आणि रिअल-टाइम देखरेखीसाठी स्विच iON कनेक्टेड तंत्रज्ञान याच्या साहाय्याने ही बस म्हणजे एक अत्यंत विश्वसनीय आणि आरामदायी शहरांतर्गत प्रवास अनुभव देण्यासाठीच तयार करण्यात आली आहे.

 

स्विच मोबिलिटीचे मुख्य कार्यकारी अधिकारी श्री. गणेश मणी म्हणाले, "या बससेवेचा शुभारंभ म्हणजे शहरांपलीकडे इलेक्ट्रिक मोबिलिटीचा विस्तार करण्याच्या तसेच शहरांतर्गत क्षेत्रात आमचे अस्तित्व अधिक बळकट करण्याच्या दिशेने टाकलेले आणखी एक महत्त्वाचे पाऊल आहे. ही भागीदारी म्हणजे मुंबई-पुण्यासारख्या अत्यंत वर्दळीच्या मार्गांसाठी इलेक्ट्रिक बसेसवर वाढत असलेल्या विश्वासाचे प्रतिबिंब आहे. यासाठी केवळ कामगिरी, विश्वासार्हता आणि कार्यक्षमता हे घटक अत्यंत निर्णायक ठरतात. आम्ही आता प्रत्यक्षात बसेस ताब्यात देणे सुरू केले असून, बसेसचा पहिला ताफा सेवेत दाखल झाला आहे. या पार्श्वभूमीवर, आगामी काळात 'प्रसन्ना पर्पल मोबिलिटी सोल्युशन्स'सोबतचे हे सहकार्य टप्प्याटप्प्याने अधिक व्यापक करण्यास आम्ही उत्सुक आहोत."EiV12 प्लॅटफॉर्मच्या माध्यमातून अशा उपाययोजना पुरवण्यावर आम्ही लक्ष केंद्रित केले आहे, जी केवळ शाश्वतच नाही, तर वाहन चालकांसाठी व्यावसायिकदृष्ट्याही फायदेशीर ठरेल. तर प्रवाशांसाठी तो एक उत्कृष्ट अनुभव असेल. शहरांतर्गत प्रवासाची संकल्पना सातत्याने विकसित होत असताना, आम्ही या क्षेत्रातील आमच्या अनुभवाचा आधार घेत आहोत आणि विश्वसनीय, कार्यक्षम तसेच भविष्यासाठी सज्ज असलेल्या इलेक्ट्रिक मोबिलिटी उपाय वेगाने स्वीकारले जावेत यासाठी आम्ही प्रयत्नशील आहोत.”

 

प्रसन्न पर्पल मोबिलिटी सोल्युशन्सचे सीएमडी श्री. प्रसन्न पटवर्धन म्हणाले, “इलेक्ट्रिक मोबिलिटीसह इंटरसिटी क्षेत्रात पदार्पण करणे हा आमच्यासाठी एक महत्त्वपूर्ण टप्पा आहे. या सहयोगाच्या माध्यमातून, आम्ही मुंबई-पुणे मार्गावर प्रवासाचा एक अधिक शुद्ध आणि कार्यक्षम पर्याय सादर करत आहोत. अधिक शाश्वत कार्यपद्धतींकडे वाटचाल करत असतानाच, प्रवासाचा एकूण अनुभव अधिक समृद्ध करण्यावर आमचे लक्ष केंद्रित आहे. 'स्विच मोबिलिटी'सोबतच्या आमच्या भागीदारीला आम्ही दीर्घकालीन ई-मोबिलिटी उपायांच्या दृष्टीने अत्यंत महत्त्व देतो.”

 

जागतिक स्तरावर 18.5 कोटींहून अधिक पर्यावरणपूरक प्रवास करून, भारतात 2500 हून अधिक इलेक्ट्रिक बसेस कार्यान्वित करून, स्विच मोबिलिटी शहरांतर्गत, इंटरसिटी आणि विशेष वैशिष्ट्यांसह विविध क्षेत्रांमध्ये सातत्याने आपला विस्तार वाढवते आहे. शहरी वाहतुकीच्या क्षेत्रात, कंपनीने अनेक शहरांमध्ये आपले भक्कम स्थान निर्माण केले असून, अधिक स्वच्छ आणि कार्यक्षम सार्वजनिक वाहतूक व्यवस्थांकडे होणाऱ्या संक्रमणाला ती हातभार लावत आहे. यापूर्वीही, कंपनीने यूपीएसआरटीसी सारख्या राज्य परिवहन महामंडळांसाठी इंटरसिटी इलेक्ट्रिक बसेस उपलब्ध करून दिल्या आहेत.