हॉकी महाराष्ट्राच्या दोन्ही संघांचा पराभव - सब-ज्युनियर राष्ट्रीय स्पर्धा; पराभवानंतरही महिला संघ उपांत्यपूर्व फेरीसाठी पात्र

हॉकी महाराष्ट्राच्या दोन्ही संघांचा पराभव 

- सब-ज्युनियर राष्ट्रीय स्पर्धा; पराभवानंतरही महिला संघ उपांत्यपूर्व फेरीसाठी पात्र

पुणे, ७ एप्रिल: सोमवारी झारखंडमधील झाँसी आणि बिहारमधील राजगीर येथे सुरू असलेल्या १६व्या हॉकी इंडिया सब-ज्युनियर पुरुष आणि महिला राष्ट्रीय स्पर्धेत हॉकी महाराष्ट्र पुरुष आणि महिला संघांना अनुक्रमे हॉकी पंजाब आणि यजमान हॉकी झारखंड संघाकडून मोठा पराभव पत्करावा लागला.

बिहारमधील राजगीर येथील स्पर्धेत 'ग्रुप-ए एलिट डिव्हिजन'च्या सामन्यात हॉकी महाराष्ट्र (पुरुष) संघाला हॉकी पंजाबकडून ०-२ अशी मात खावी लागली.

विजेत्या हॉकी पंजाबकडून पहिल्या सत्रात संगत सिंग (१०') आणि नंतर मध्यंतरानंतर आकाश दीपने (५३') गोल केले.

झारखंडमधील झाँसी येथील स्पर्धेत हॉकी झारखंड संघाने हॉकी महाराष्ट्र (महिला) संघाला ६-० असे पराभूत केले. सुष्मिता गौरिया (१४'), संदीपा कुमारी (२२'), श्रुती कुमारी (२७') मध्यंतरापर्यंत हॉकी झारखंडला ३-० अशी आघाडी मिळवून दिली.

उत्तरार्धात, पुष्पा मांझी (३६'), सानिया तिर्की (४०') आणि प्रीती बिलुंग (५२') यांच्यामुळे यजमानांनी आणखी तीन गोलांची भर घातली.

या पराभवांनंतर हॉकी महाराष्ट्राचे दोन सामन्यांनंतर तीन गुण झाले असून हॉकी झारखंडने आपल्या पहिल्याच सामन्यात (तीन गुण) विजय नोंदवला.

पराभव पत्करूनही, हॉकी महाराष्ट्राने गटात दुसरे स्थान मिळवले. आता उपांत्यपूर्व फेरीत त्यांचा सामना हॉकी असोसिएशन ऑफ ओडिशाशी होईल.

निकाल: पुरुष (अ गट) : हॉकी पंजाब: 2 (संगत सिंग 10'; आकाश दीप 53') विजयी वि. हॉकी महाराष्ट्र: 0. मध्यंतर: 1-0.

महिला (अ गट) : झारखंड: 6 (सुष्मिता गौरिया 14'; संदीपा कुमारी 22'; श्रुती कुमारी 27'; पुष्पा मांझी 36'; सानिया टिर्की 40'; प्रीती बिलुंग 52') विजयी वि. महाराष्ट्र: 0. मध्यंतर: 3-0.