वंचित व दलित घटकांसाठी कायदेशीर मदतीचा उपक्रम; ‘क्षितिज व्हिजन फाउंडेशन’चा पुढाकार*

*वंचित व दलित घटकांसाठी कायदेशीर मदतीचा उपक्रम; ‘क्षितिज व्हिजन फाउंडेशन’चा पुढाकार*

पुणे दि. -- क्षितिज व्हिजन फाउंडेशन हे चॅरिटेबल ट्रस्ट असून वंचित घटकांचे हक्क संरक्षण, सामाजिक आधार आणि सक्षमीकरणासाठी कार्यरत आहे. समाजातील दुर्बल घटकांना कायदेशीर अडचणींमध्ये योग्य मार्गदर्शन मिळावे व त्यांना न्याय मिळवून देण्यासाठी हा उपक्रम राबविण्यात येत असल्याची माहिती संस्थेच्या वतीने देण्यात आली.

या सेवेतून अनुसूचित जाती (SC), अनुसूचित जमाती (ST), आर्थिकदृष्ट्या दुर्बल घटक, महिला तसेच अन्यायग्रस्त नागरिक यांना विविध कायदेशीर विषयांवर मार्गदर्शन दिले जाणार आहे. जमीन वाद, मालमत्ता व कुळ कायदा, सर्व कोर्टातील महसुली व दिवाणी प्रकरणे, आदिवासी जमीन संरक्षण विषयक बाबी, तसेच अनुसूचित जाती व जमाती अत्याचार प्रतिबंधक कायद्यांतर्गत प्रकरणे यावर तज्ज्ञांकडून सल्ला दिला जाणार आहे.

वंचित घटकांची आर्थिक फसवणूक, DRT, NCLT व प्राधिकरणासमोरील प्रकरणांमध्ये ही मार्गदर्शन केले जाणार आहे. यासाठी श्री. सुबराव पाटील माजी सनदी अधिकारी तसेच महाराष्ट्र महसूल न्यायाधिकरणाचे माजी अध्यक्ष यांचे मार्गदर्शन असणार आहे. अशी माहिती क्षितिज व्हिजन फाउंडेशनच्या ट्रस्टी अस्मिता पाटील यांनी दिली.

इच्छुकांनी अधिक माहितीसाठी १, माहेर, मोदिबाग, शिवाजीनगर, पुणे – १६ येथे भेट द्यावी किंवा ०२०-४५१७१३७१ / ७३६००-१७००१ या क्रमांकांवर संपर्क साधावा, असे आवाहन क्षितिज व्हिजन फाउंडेशन कडून करण्यात आले आहे.