तिसऱ्या पीवायसी रावेतकर फुटबॉल लीग स्पर्धेत किड्स गटात ऍव्हेंजर्स, गार्डीयन्स संघाची विजयी सलामी

पुणे, 13 जुन 2024: पीवायसी हिंदु जिमखाना तर्फे आयोजित तिसऱ्या पीवायसी रावेतकर फुटबॉल लीग स्पर्धेत साखळी फेरीत किड्स गटात ऍव्हेंजर्स, गार्डीयन्स या संघांनी आपापल्या प्रतिस्पर्धी संघांचा पराभव करून विजयी सलामी दिली. 

पीवायसी हिंदू जिमखाना क्लब येथील मैदानावर सुरु असलेल्या या स्पर्धेत गटसाखळी फेरीत किड्स गटात विहान राठोड(8,15मि.)याने नोंदवलेल्या दोन गोलांच्या जोरावर ऍव्हेंजर्स संघाने शिल्ड संघाचा 2-0 असा सहज पराभव केला. गार्डीयन्स संघाने शिल्ड संघाचा 2-1 असा पराभव केला. विजयी संघाकडून अथर्व इंगळहळीकर(4मि.), अनय इंगळहळीकर(9मि.) यांनी प्रत्येकी एक गोल केला.  

खुल्या गटात साखळी फेरीत फाल्कन्स संघाने विंटेज वायकिंग्स संघाचा 3-2 असा संघर्षपूर्ण पराभव केला. फाल्कन्सकडून आयुश सोनावणे 3मि., चैतन्य रहातेकर 10मि., हर्षवर्धन थिटे 22मि)यांनी प्रत्येकी एक गोल करून संघाच्या विजयात मोलाचा वाटा उचलला. चुरशीच्या लढतीत ग्लॅडिएटर्स संघाने सामोसा स्ट्रायकर्स संघाला 1-1 असे बरोबरीत रोखले. ग्लॅडिएटर्सकडून विक्रम भावे 12मि)याने तर, सामोसा स्ट्रायकर्सकडून यश भिडे(19मि) याने एक गोल केला. 

 

निकाल: साखळी फेरी: किड्स गट: 

ऍव्हेंजर्स: 2(विहान राठोड 8,15मि.)वि.वि.शिल्ड: 0; सामनावीर - विहान राठोड; 

गार्डीयन्स: 2(अथर्व इंगळहळीकर 4मि., अनय इंगळहळीकर 9मि.) वि.वि.शिल्ड: 1(अगस्त्य कुंटे 10मि); सामनावीर - अथर्व इंगळहळीकर खुला गट: 

फाल्कन्स: 3(आयुश सोनावणे 3मि., चैतन्य रहातेकर 10मि., हर्षवर्धन थिटे 22मि.)वि.वि.विंटेज वायकिंग्स: 2(समीर जोशी 7मि., चित्रल क्षेत्री 15मि); सामनावीर - हर्षवर्धन थिटे 

ग्लॅडिएटर्स: 1(विक्रम भावे 12मि) बरोबरी वि.सामोसा स्ट्रायकर्स: 1(यश भिडे 19मि); सामनावीर - विक्रम भावे