रायसोनी काॅलेज पुणेच्या विद्यार्थ्यांना राष्ट्रीय हॅकाथॉन लॉगीथॉनमध्ये उपविजेतेपद
पुणे: पुण्यातील जीएच रायसोनी काॅलेज आॅफ इंजीनिअरिंग आणि मॅनेजमेंट यातील डेटा सायन्स, एआय आणि एआयएमएल विद्याशाखेतील विद्यार्थी देवयानी चव्हाण, शाहू सरदार, श्रावणी भालेराव आणि सर्वज्ञा चव्हाण यांच्या टीम नेकोएक्सने राष्ट्रीय हॅकाथॉन लॉगीथॉनमध्ये उपविजेतेपद पटकावले. टीम नेकोएक्सने 50,000 INR चे रोख बक्षीस मिळवले.
सॉफ्टलिंक ग्लोबल प्रायव्हेट लिमिटेडच्या सहकार्याने दत्ता मेघे अभियांत्रिकी महाविद्यालय, ऐरोली, मुंबई येथे नुकत्याच झालेल्या राष्ट्रीय स्तरावरील हॅकाथॉनमध्ये 564 हून अधिक संघ आणि 1500 हून अधिक विद्यार्थ्यांनी सहभाग घेतला होता.
स्पर्धेमध्ये चार आव्हानात्मक समस्या विधाने होती, प्रत्येक समस्यांमध्ये तंत्रज्ञानाच्या गुंतागुंतीच्या विषयांवर विद्यार्थ्यांनी संशोधन केले. विद्यार्थी देवयानी चव्हाण यांच्या नेतृत्वाखाली टीम नेकोएक्सने सेल्फ-लर्निंग एआय संचालित पीडीएफ टु डेटा कनवर्टर (PDF to Data Converter) विकसित करण्याचे काम देण्यात आले. या विषयात विद्यार्थ्यांनी संशोधन करून एआय संचालित पीडीएफ टु डेटा कनवर्टर टुल बनविले. या कठीण स्पर्धात, या संघाने संशोधनात्मक नाविन्य दाखवले, परिणामी त्यांना ट्रॉफी आणि प्रमाणपत्रांसह उपविजेतेपद मिळाले.
टीम लीडर, देवयानी चव्हाण, शाहू सरदार, सर्वज्ञ चव्हाण आणि श्रावणी भालेराव यांनी संपूर्ण स्पर्धेत सांघिक आणि तांत्रिक कौशल्याचे प्रदर्शन केले. त्यांच्या प्रकल्पाने त्यांची प्रगत कोडिंग कौशल्ये केवळ हायलाइट केली नाहीत तर दबावाखाली प्रभावीपणे सहयोग करण्याची त्यांची क्षमता देखील अधोरेखित केली.
कॅम्पस डायरेक्टर, डॉ. आर. डी. खराडकर म्हणाले, की या स्पर्धेने नवोपक्रमाला चालना देण्यासाठी एक व्यासपीठ म्हणून काम केले आणि सहभागींना तंत्रज्ञान उद्योगातील वास्तविक-जगातील आव्हानांना सामोरे जाण्याची संधी दिली. सर्व स्पर्धकांनी दाखवलेला उत्साह आणि समर्पण खरोखरच प्रशंसनीय होते, त्यांच्यामध्ये रायसोनी काॅलेज पुणेचे विद्यार्थी चमकले.
रायसोनी एज्युकेशनचे अध्यक्ष श्री. सुनील रायसोनी, रायसोनी एज्युकेशनचे कार्यकारी संचालक श्री. श्रेयश रायसोनी, आणि रायसोनी काॅलेज पुणेचे कॅम्पस डायरेक्टर डॉ. आर. डी. खराडकर यांनी विद्यार्थ्यांच्या उत्कृष्ट कामगिरी केल्याबद्दल टीम नेकोएक्सचे मनःपूर्वक अभिनंदन केले.
Comments
Post a Comment