maharashtravadinews

महाराष्ट्र लोकसेवा हक्क कायदा अधिक सक्षम करा; नागरिक सोशल फाउंडेशनची राज्य सरकारकडे मागणी -विलंबासाठी दररोज २५० रुपयांचा दंड, २१ दिवसांत सेवा देण्याची मर्यादा आणि नागरिकांना तातडीने नुकसानभरपाई देण्याचा प्रस्ताव पुणे : महाराष्ट्र लोकसेवा हक्क अधिनियम, २०१५ अधिक सक्षम, प्रभावी आणि नागरिकाभिमुख करण्याची मागणी नागरिक सोशल फाउंडेशनच्या वतीने करण्यात आली आहे. शासकीय सेवा वेळेत न मिळणे, ‘आपले सरकार’ पोर्टलवरील तांत्रिक अडचणी, प्रलंबित अर्ज आणि अधिकाऱ्यांवरील मर्यादित कारवाई यामुळे नागरिकांना अनेक समस्यांना सामोरे जावे लागत असल्याचे संस्थेने म्हटले आहे. या पार्श्वभूमीवर कायद्यात आवश्यक सुधारणा करण्यासाठी विविध मागण्या आणि शिफारशी महाराष्ट्र तसेच केंद्र शासनाकडे सादर करण्यात आल्या आहेत. अशी माहिती नागरिक सोशल फाऊंडेशनचे ॲड. सीए निलेश खत्री यांनी पत्रकार परिषदेत दिली. यावेळी नागरिक सोशल फाऊंडेशनचे विश्वस्त अमेय सप्रे, प्रीतम थोरवे, सर्वेश मेहेंदळे आदि उपस्थित होते. महाराष्ट्र लोकसेवा हक्क अधिनियमांतर्गत नागरिकांना निर्धारित कालमर्यादेत शासकीय सेवा मिळण्याचा कायदेशीर अधिकार आहे. मात्र, कायदा ल...

रायडर्सच्या उत्साही आणि नवीन पिढीसाठी टीव्हीएस मोटरकडून टीव्हीएस रॅडियन (TVS Radeon) ही एक दमदार, तरुणांना आकर्षित करणारी नवीन बाईक सादर नवीन पिढीचे फुल एलईडी हेडलॅम्प, वैशिष्ट्यपूर्ण सिग्नेचर लाइटिंग आणि डायनॅमिक ग्राफिक्ससह एक आकर्षक, नवीन डिझाइन सादर करते. आधुनिक आणि प्रीमियम लूकसाठी यात नवीन एलईडी टेल लॅम्प आणि एलईडी टर्न सिग्नल्सचा समावेश आहे. लांबलचक सीट आणि RTMi सह रिव्हर्स एलसीडी (LCD) क्लस्टरची सुविधा यात कायम ठेवण्यात आली आहे.   बेंगळुरू, 13 ऑक्टोबर 2026: भारतात सणासुदीच्या काळाची सुरुवात होत असताना, दुचाकी आणि तीन-चाकी वाहनांच्या निर्मितीमधील जागतिक आघाडीची कंपनी आणि टीव्हीएस वेणूचा भाग असलेल्या टीव्हीएस मोटर कंपनीने आज नवीन टीव्हीएस रॅडियन सादर केली आहे. ही बाईक एका नव्या आणि आकर्षक (डायनॅमिक) डिझाइनसह आली आहे. ११ लाखांहून अधिक ग्राहकांच्या पसंतीस उतरलेल्या टीव्हीएस रॅडियन या बाईकची नवीन आवृत्ती, तिच्या आधीच्या वैशिष्ट्यपूर्ण गुणवत्तेला कायम राखत, एक आधुनिक आणि ग्राहकांच्या आकांक्षांना साजेसे असे नवीन डिझाइन सादर करते.   गेल्या काही वर्षात, बदलत्या भारतासोबतच टीव्ह...

सचिन हमनघर लिखित ‘बी हॅप्पी’ पुस्तकाचे प्रकाशन भयभीत, संभ्रमावस्थेतील युवा पिढीसाठी ‘बी हॅप्पी’चा मंत्र उपयुक्त : भारत सासणे   पुणे : आजची पिढी एका अर्थाने भयभीत आहे. आज काय घडते आहे; उद्या काय होणार याविषयी त्यांच्या मनात संभ्रम निर्माण झाला आहे. अशा परिस्थितीत ‘बी हॅप्पी’चा मंत्र नक्कीच उपयुक्त ठरेल. तुम्ही आनंदी असाल तर इतरांना देखील आनंदी करू शकता आणि त्यातूनच समाज आनंदाच्या एका विशिष्ट वलयामध्ये जगू लगतो, असे प्रतिपादन अखिल भारतीय मराठी साहित्य संमेलनाचे माजी अध्यक्ष, प्रसिद्ध कथाकार भारत सासणे यांनी केले. दिलीपराज प्रकाशन प्रकाशित आणि सचिन हनमघर लिखित ‘बी हॅप्पी’ कथासंग्रहाचे प्रकाशन भारत सासणे यांच्या हस्ते झाले. त्यावेळी ते अध्यक्षपदावरून बोलत होते. प्रा. रेखा इनामदार-साने, डॉ. सतिश देसाई, बंडा जोशी आणि दिलीपराज प्रकाशनचे व्यवस्थापकीय संचालक राजीव बर्वे मंचावर होते. कर्वेनगर येथील युनायटेड वेस्टर्न सभागृहात कार्यक्रमाचे आयोजन करण्यात आले होते. भारत सासणे पुढे म्हणाले, ‘बी हॅप्पी’ या पुस्तकाचे लेखक हनमघर यांनी त्यांच्या कथांमधून अनेक प्रश्नांची उत्तरे उपलब्ध करून देत घटनांवर...

युवा स्वरानुभूतीतून रसिकांना अनोखी स्वरभेट ऋत्विक फाऊंडेशन फॉर परफॉर्मिंग आर्टसर्फे युवा स्वरानुभूती मैफलीचे आयोजन पुणे : युवा कलाकारांना हक्काचे व्यासपीठ मिळवून देण्यासाठी ऋत्विक फाऊंडेशनतर्फे युवा स्वरानुभूती या सांगितीक आयोजन करण्यात येते. या अंतर्गत युवा, आश्वासक गायिका सौम्या कंटक यांचे सुमधुर, सुश्राव्य गायन आणि नितीश पुरोहित यांच्या सरोद वादनाची अनोखी स्वरभेट रसिकांना मिळाली. कोथरूड येथील ऋत्विक फाऊंडेशन फॉर परफॉर्मिंग आर्टस् येथे कार्यक्रमाचे आयोजन करण्यात आले होते. सौम्या कंटक यांनी कार्यक्रमाची सुरुवात खमाज थाटातील राग धनाश्रीमधील ‘हे म्हारो राजेंद्र’ या पारंपरिक बडा ख्यालने केली. त्यानंतर उस्ताद विलायत हुसेन खानसाहेब यांची ‘तेरो ध्यान धरत दिन रैना’ ही रचना सादर केली. राग ललिता गौरी सादर करताना ‘प्रीतम सैय्या दरस दिखा जा’ हा पारंपरिक बडाख्याल मांडला. ‘ध्रुव मंडल प्रसार हुआ’ ही पंडित निवृत्तीबुवा यांची बंदिश सुमधुरपणे सादर करीत सौम्या कंटक यांनी आपली स्वरांवरील पकड आणि गायनातील तयारी दर्शविली. मैफिलीची सांगता ‘हिरना समझ बुझ बन चरना’ या निर्गुणी भजनाने केली. त्यांना प्रणव गुरव ...

नजिकच्या काळात देशातील जीसीसींची मुख्यालयाकडे वाटचाल होईल   जीसीसी सेटअपचे धोरणात्मक सल्लागार नितीन देशपांडे यांचे प्रतिपादन   ‘द अल्ट एचक्यू – जीसीसी बियॉड द ऑब्व्हियस’ पुस्तकाचे प्रकाशन   पुणे : ग्लोबल कपॅबिलिटी सेंटर्सची (जीसीसी) भारत ही जागतिक राजधानी झाली आहे. २०३० पर्यंत हे चित्र बदलेल. इथली केंद्रे ही पर्यायी न राहता मुख्यालय बनतील, असे प्रतिपादन जीसीसी सेटअपचे धोरणात्मक सल्लागार आणि आयटीतज्ज्ञ नितीन देशपांडे यांनी येथे केले. माहिती- तंत्रज्ञान तसेच जीसीसी क्षेत्रातील अनुभवी व तज्ज्ञ निलेश बिनिवाले आणि निलेश कुलकर्णी लिखित ‘द अल्ट एचक्यू – जीसीसी बियॉड द ऑब्व्हियस’ या पुस्तकाच्या प्रकाशन समारंभात नितीन देशपांडे बोलत होते. डायमंड प्रकाशनातर्फे निलेश पाष्टे यांनी हे पुस्तक प्रकाशित केले आहे. सेनापती बापट रस्त्यावरील एमसीसीआयएमधील फिरोदिया सभागृहात हा कार्यक्रम झाला. नितीन देशपांडे म्हणाले, ग्लोबल कपॅबिलिटी सेंटर्सचा देशातील विस्तार लक्षणीय आणि वेगवान आहे. जीसीसी संबंधित प्रत्येक घटक मग तो नेतृत्व करणारा असो, धोरणात्मक निर्णय घेणारा असो, शैक्षणिक क्षेत्रातील असो, प्रत...

आकाश उर्फ राजवीर गलोत याचा पोलिसांच्या मारहाणीमुळे मृत्यू झाल्याने दलित पॅंथर चा गुरुवारी मंत्रालयावर मोर्चा  लोहगाव पोलीस स्टेशनच्या हद्दीतील माळेवाडी वस्तीमधील आकाश उर्फ राजवीर गलोत (वय ३१) या तरुणाचा पोलिसांच्या कस्टडीतील मारहाणीमुळे ससून रुग्णालयात उपचारादरम्यान मृत्यू झाल्याचा गंभीर आरोप दलित पॅंथरने केला आहे. तक्रारीच्या कारणावरून लोहगाव पोलिसांनी त्याला ताब्यात घेऊन टॉर्चर केले. याप्रकरणी संबंधित पोलीस अधिकाऱ्यांवर 302 (खून)आणि ॲट्रॉसिटी कायद्यांतर्गत तत्काळ कारवाई करावी. संबंधित दोषी अधिकाऱ्यांवर कडक कारवाई न झाल्यास गुरुवारी (दिनांक 15 ऑक्टोंबर) मुंबईतील मंत्रालय मध्ये मुख्यमंत्री व गृहमंत्र्यांच्या बंगल्यावर सर्वपक्षीय तीव्र आंदोलन करण्यात येईल. असा इशारा दलित पॅंथरचे महाराष्ट्र प्रदेश अध्यक्ष सुखदेव तात्या सोनवणे यांनी पत्रकार परिषदे मध्ये दिली. यावेळी दलित पॅंथर पुणे शहर अध्यक्ष प्रकाश साळवे, पुणे शहर युवक अध्यक्ष राहुल सोनवणे, अल्पसंख्यांक पश्चिम महाराष्ट्र अध्यक्ष रफिक कुरेशी, ऐक्यवादी रिपब्लिकनचे दिलीप दादा जगताप, आदी उपस्थित होते

पुणे लोकमान्य फेस्टिवलमध्ये ‘साई दरबार’चा भक्तिमय जागर; रसिकांचा उत्स्फूर्त प्रतिसाद साईबाबांच्या जीवनातील प्रसंग, चमत्कार आणि भक्तिगीतांनी पुणे लोकमान्य फेस्टिवलमध्ये भक्तिमय वातावरण पुणे : श्री साई भक्त बबलु दुग्गल प्रस्तुत ‘साई दरबार’ हा साईबाबांच्या जीवनावर आधारित गीत गायन व चमत्कारांचा कार्यक्रम पुण्यातील लोकमान्य नगर येथे आयोजित लोकमान्य फेस्टिवलमध्ये मोठ्या उत्साहात पार पडला. या कार्यक्रमाला साईभक्तांसह रसिक प्रेक्षकांनी मोठ्या संख्येने उपस्थिती लावून उत्स्फूर्त प्रतिसाद दिला. कार्यक्रमात साईबाबांच्या भक्तीवरील विविध सुरेल गीतांचे सादरीकरण करण्यात आले. तसेच साईबाबांच्या जीवनातील प्रेरणादायी प्रसंग आणि चमत्कारांचे सादरीकरण करून उपस्थितांना साईभक्तीचा अनुभव देण्यात आला. भक्तिगीतांच्या सुरांनी आणि साईबाबांच्या जीवनातील प्रसंगांनी परिसरात भक्तिमय वातावरण निर्माण झाले. साईबाबांच्या शिकवणीतील श्रद्धा, सबुरी, सेवाभाव आणि मानवतेचा संदेश या कार्यक्रमातून अधोरेखित करण्यात आला. साईबाबांच्या भक्तीचा प्रसार आणि त्यांच्या विचारांचा जागर करण्याच्या उद्देशाने आयोजित करण्यात आलेला हा कार्यक्रम उ...