महाराष्ट्र वादी

पुणे, 3 एप्रिल 2025: पिकल हाऊस एक्स एसबीए यांच्या वतीने आयोजित पहिल्या पुणे पिकल बॉल लीग स्पर्धेत अंतिम फेरीत टस्कर टायटन्स संघाने रेजिंग रायनोज संघाचा 3-2 असा पराभव करून विजेतेपद संपादन केले. कोरेगाव पार्क येथील एनफिल्ड अरेना कोर्टवर सुरू असलेल्या कुमार बिल्डर्स यांचे मुख्य प्रायोजकत्व लाभलेल्या या स्पर्धेत चुरशीच्या अंतिम लढतीत टस्कर टायटन्सच्या हणमंत धोत्रे व निपुण खुराणा यांनी रायनोजच्या कुलदीप रुचंदानी व ईशांत रेगे यांचा 15-08 असा पराभव करून संघाचे खाते उघडले. तर, रायनोजच्या मोक्ष जैन व संकेत राज यांनी टायटन्सच्या सागर दिवाण व आशना पेडणेकर यांचा 15-06 असा पराभव करून संघाला बरोबरी साधून दिली. टायटन्सच्या सागर दिवाणने ध्रुव दयालच्या साथीत रमा कुलकर्णी व संदेश मनवार यांचा 15-07 असा पराभव करून संघाला 2-1 अशी आघाडी मिळवून दिली. त्यानंतर रायनोजच्या प्रियल चॅटर्जी व संदेश मनवार यांनी हरजस बाजवा व प्रियांका सूर्तानी यांचा 15-12 असा पराभव करून संघाला 2-2 अशी बरोबरी निर्माण करून दिली. त्यामुळे सामना टाय ब्रेकरमध्ये खेळविण्यात आला. टायब्रेकरमध्ये टायटन्सच्या हणमंत धोत्रे व निपुण...

पुणे : संगीतकार सुधीर फडके उर्फ बाबुजी यांच्या संगीत कलेचा समृद्ध वारसा पुढे नेणाऱ्या संगीतकार श्रीधर फडके यांच्या संगीताने नटलेल्या आणि गायिकीने सजलेल्या गीतांचा आनंद पुणेकरांनी घेतला. संगीत विश्वातील फडके युग आणि फडके विद्यापीठाचा मागोवा घेण्याची संधी यानिमित्ताने रसिकांनी मिळाली.  श्रीमंत दगडूशेठ हलवाई गणपती ट्रस्ट, सुवर्णयुग तरुण मंडळतर्फे गणपती मंदिराच्या ४१ व्या वर्धापनदिनानिमित्त बाजीराव रस्त्यावरील नू.म.वि.प्रशालेच्या प्रांगणात संगीत महोत्सवाचे आयोजन करण्यात आले आहे. महोत्सवाच्या चौथ्या दिवशी 'बाबुजी आणि मी' हा संगीतकार व गायक श्रीधर फडके व सहकाऱ्यांचा कार्यक्रम झाला.  संगीतकार सुधीर फडके यांनी संगीतबद्ध केलेले 'देव देव्हाऱ्यात नाही' या गीताने कार्यक्रमाची सुरुवात झाली. उत्तम काव्य, संगीत आणि गायक याचा अनोखा मिलाफ म्हणजे ग.दि. माडगूळकर आणि सुधीर फडके उर्फ बाबुजी यांची गीते आहेत, याचा प्रत्यय यावेळी उपस्थितांना आला. देवाचिये द्वारी उभा क्षणभरी, सखी मंद झाल्या तारका, फिटे अंधाराचे जाळे, ज्योती कलश छलके, विकत घेतला श्याम, मी राधिका अशी एका पाठोपाठ एक उ...

आयुर्वेदाचा शास्त्रोक्त पद्धतीने प्रचार-प्रसार व्हावा : डॉ. शरच्चंद्र हर्डीकर एकदंत प्रतिष्ठानतर्फे राष्ट्रीय शिक्षण मंडळाचा ‌‘एकदंत कृतज्ञता पुरस्कारा‌’ने गौरव पुणे : आयुर्वेद ही पुरातन उपचार पद्धती असून आयुर्वेदाविषयी जगाला प्रचंड आकर्षण आहे. आयुर्वेदाचा देश-विदेशात शास्त्रोक्त पद्धतीने प्रचार व्हायला हवा, अशी अपेक्षा ख्यातनाम अस्थिव्यंगतज्ज्ञ पद्मश्री डॉ. शरच्चंद्र हर्डीकर यांनी व्यक्त केली. शतकपूर्ती केलेल्या राष्ट्रीय शिक्षण मंडळाचा एकदंत प्रतिष्ठानतर्फे ‌‘एकदंत कृतज्ञता पुरस्कार‌’ देऊन आज (दि. 3) गौरव करण्यात आला. टिळक आयुर्वेद महाविद्यालयातील निमा सभागृहात आयोजित कार्यक्रमात डॉ. शरच्चंद्र हर्डीकर यांच्या हस्ते संस्थेस सन्मानपत्र प्रदान करण्यात आले. त्या वेळी ते बोलत होते. राष्ट्रीय शिक्षण मंडळाचे अध्यक्ष डॉ. भालचंद्र भागवत यांनी संस्थेच्या वतीने पुरस्कार स्वीकारला. कार्यक्रमाच्या अध्यक्षस्थानी महाराष्ट्र साहित्य परिषदेचे कार्याध्यक्ष प्रा. मिलिंद जोशी होते. एकदंत प्रतिष्ठानचे अध्यक्ष डॉ. मुकुंद कोठावदे, मराठवाडा मित्र मंडळ संस्थेचे कार्याध्यक्ष डॉ. भाऊसाहेब जाधव, डॉ...

पुणे: धर्मवीर छत्रपती संभाजी महाराज यांच्या नावाचा जाणून बुजून एकेरी उल्लेख करणाऱ्या संभाजी ब्रिगेड संघटना व संभाजी ब्रिगेड पक्ष यांचा जाहीर निषेध करत शिवधर्म फाउंडेशनने जिल्हाधिकारी कार्यालयावर मोर्चा काढला. संघटनेच्या नावात छत्रपती संभाजी महाराज असे पूर्ण लिहावे किंवा संघट नेचे नाव बदलावे, अशी मागणी फाउंडेशनचे संस्थापक अध्यक्ष दीपक काटे यांनी केली. पुणे स्टेशन जवळील डॉ. बाबासाहेब आंबेडकर पुतळ्यापासून निघालेला हा मोर्चा जिल्हाधिकारी कार्यालयावर धडकला शेकडोंच्या संख्येने शिवभक्त व शंभू भक्त या मोर्चामध्ये सहभागी झाले. 'जय भवानी जय शिवाजी', 'धर्मवीर छत्रपती संभाजी महाराज' की जय अशा घोषणांनी परिसर दणाणून गेला. फाउंडेशनचे राज्य उपाध्यक्ष किरण साळुंखे, पुणे जिल्हा अध्यक्ष करण ढाणे-पाटील, बारामती तालुका अध्यक्ष अक्षय चव्हाण, राहुल मदने, सुग्रीव निंबाळकर, विशाल धुमाळ, रोहित तुपे, सागर पाटील, कृष्णा क्षीरसागर, स्वप्निल निंबाळकर, रुपेश शिंदे, मयूर काळे, सागर जोशी, भुवनेश्वर शिरगिरे, संजय मदने, दत्ता मदने, अभिमन्यू कदम यांच्यासह शेकडो कार्यकर्ते उपस्थित होते. दीपक का...

पुणे: फाउंडेशन फॉर एन्शियंट इंडियन फिलॉसॉफी अँड मेडिसिन आणि ॲव्हेट लाईफ सायन्सेस प्रायव्हेट लिमिटेड यांच्या संयुक्त विद्यमाने भोर मधील माळेगाव, नसरापूर परिसर येथे तीन दिवसीय मोफत वैद्यकीय शिबिराचे आयोजन करण्यात आले होते. शिबिरात ४२५ ग्रामस्थांनी सहभाग घेतला. यावेळी आवश्यक रुग्णांना उपचार देखील देण्यात आले. शिबिराचे उद्घाटन स्मिता देशपांडे, सीए. विष्णू बांगड, ॲड. संदीपक फडके, पुणे शहर भाजप उपाध्यक्ष सुनील पांडे, संस्थेचे संस्थापक डाॅ. सचिन देशपांडे यांच्या उपस्थितीत झाले. डोळे तपासणी, चष्मे वाटप, गाठींचे आजार, मूत्र विकार, हर्निया, बीपी, पोटविकार, मधुमेह, ईसीजी यांसह विविध तपासण्या शिबिरात करण्यात आल्या. डाॅ. सचिन देशपांडे म्हणाले, ग्रामीण भागातील नागरिकांसाठी मोफत वैद्यकीय शिबिरे अत्यंत महत्त्वाची आहेत. अनेक रुग्ण आर्थिक अडचणींमुळे वेळेवर डॉक्टरांकडे जात नाहीत, त्यामुळे त्यांचे आजार बळावतात. अशा शिबिरांच्या माध्यमातून रुग्णांना तज्ज्ञ डॉक्टरांचा सल्ला आणि आवश्यकतेनुसार औषधे मिळतात. भविष्यातही अशा शिबिरांचे आयोजन करून अधिकाधिक लोकांना आरोग्य सुविधा देण्याचा आमचा प्रयत्न राह...

पुणे : सार्वजनिक काकांनी ज्या विचारांनी सभेची सुरुवात केली, तो विचार अजूनही संपलेला नाही. सार्वजनिक सभेसमोर आजही अनेक प्रश्न आहेत, ज्यासाठी त्यांना काम करायचे आहे. तळहातावर निखारा ठेवून प्रवाहाच्या विरुद्ध जाऊन कार्यकर्ते काम करतात. माणसाने माणसाशी माणसासारखे वागावे. मूल्यात्मक भावनेने दुसऱ्याकडे पाहावे, हेच प्रत्येक धर्म शिकवतो. परंतु तो कोणाच्या हातात जातो, हे महत्त्वाचे आहे, असे मत ज्येष्ठ साहित्यिका डॉ. माधवी वैद्य यांनी व्यक्त केले. पुणे सार्वजनिक सभेचा १५५ वा वर्धापन दिन कार्यक्रम आणि पुरस्कार वितरण सोहळ्याचे आयोजन बुधवार पेठेतील संस्थेच्या कार्यालयात करण्यात आले होते. यावेळी त्या बोलत होत्या. संस्थेचे अध्यक्ष विद्याधर नारगोलकर, कार्याध्यक्ष अनिल शिदोरे यावेळी उपस्थित होते.   कार्यक्रमात सद्गुरु स्वाती वसंत खाडे सनातन संस्था यांना वंदनीय रमाबाई रानडे पुरस्कार तर मुक्तांगण इंग्लिश स्कूलच्या प्राजक्ता मुरमट्टी यांना आदर्श शिक्षिका पुरस्कार प्रदान करण्यात आला. तसेच संस्थेच्या वतीने घेण्यात आलेल्या निबंध स्पर्धेतील विजेत्यांना देखील यावेळी गौरविण्यात आले. डॉ. मा...